இந்த ‘மாவட்டங்களில்’ எல்லாம் ‘மழைக்கு’ வாய்ப்பு... ‘சென்னை’ வானிலை ஆய்வு மையம் தகவல்...

சென்னை உட்பட 7 மாவட்டங்களில் மழைக்கு வாய்ப்புள்ளதாக வானிலை ஆய்வு மையம் தெரிவித்துள்ளது.

இதுகுறித்து சென்னை வானிலை ஆய்வு மையம் வெளியிட்டுள்ள செய்திக் குறிப்பில், “காற்றில் ஏற்பட்டுள்ள வேக மாறுபாடு காரணமாக இன்று சென்னை, திருவள்ளூர், காஞ்சிபுரம், கடலூர், நாகை, விழுப்புரம், அரியலூர் ஆகிய 7 மாவட்டங்களில் லேசானது முதல் மிதமான மழைக்கு வாய்ப்புள்ளது.

மேலும் மழையின் தாக்கம் நாளை முதல் குறைந்து, அடுத்த 2 நாட்களில் வடகிழக்கு பருவமழை நிறைவு பெற வாய்ப்புள்ளது. சென்னையை பொறுத்தவரை அதிகபட்சமாக 31 டிகிரி செல்சியஸ்  வெப்பநிலையும், குறைந்தபட்சமாக 25 டிகிரி செல்சியஸ் வெப்பநிலையும் பதிவாகும்” எனத் தெரிவிக்கப்பட்டுள்ளது.