'ஜாம்பவானைத் தோற்கடித்த சென்னை மாணவன்!'... 'செஸ் போட்டியில் அசத்தல்!'...

சர்வதேச அளவிலான செஸ் போட்டியில், சென்னையைச் சேர்ந்த பள்ளி மாணவன் ஹர்சவர்தன், ஜார்ஜியாவின் கிராண்ட் மாஸ்டர் மிக்கெய்லை வீழ்த்தி அனைவரையும் வியப்பில் ஆழ்த்தியுள்ளார்.

12 வது சென்னை ஓபன் கிராண்ட் மாஸ்டர் செஸ் போட்டி நடைபெற்று வருகிறது. அதில், சென்னை வேலம்மாள் பள்ளியைச் சார்ந்த மாணவன் ஹர்சவர்தன், 40 வயது நிரம்பிய ஜார்ஜியாவின் கிராண்ட் மாஸ்டர் மிக்கெய்லை, 4-ஆவது சுற்றில் தோற்கடித்தார்.

விறுவிறுப்பாக நடந்த இப்போட்டியில், 43 நகர்வுகள் செய்யப்பட்ட நிலையில், ஹர்சவர்தன் வெற்றி பெற்றார். இந்த போட்டியில் வெற்றி பெற்றதால், அவருக்கு 4 புள்ளிகள் கிடைத்துள்ளன. இதனால், என்.ஆர்.விசாக், ஜோஸ் எடுராடோ முதலான கிராண்ட் மாஸ்டர்கள் உள்ள பட்டியலில் ஹர்சவர்தன் முன்னிலை பெற்று உள்ளார்.

அவரது இந்த வெற்றி, செஸ் அபிமானிகள் மத்தியில் நெகிழ்ச்சியை ஏற்படுத்தியுள்ளது.