ET Others

'பலூன்' விற்ற இளம் பெண்..‌ ஒரே ஒரு ஃபோட்டோவால் ஓஹோவென‌ மாறிய வாழ்க்கை... சிலிர்க்க வைக்கும் பின்னணி

முகப்பு > செய்திகள் > இந்தியா

By Ajith Kumar V | Mar 09, 2022 08:15 AM

சமூக வலைத்தளங்களின் தாக்கம் என்பது தற்போது மிகப் பெரிய அளவில் உள்ளது. இதன் மூலம்., சாதாரண மக்களின் திறமைகள் கூட, ஒரே இரவில் அதிகம் வைரலாகி, அவர்களை பிரபலம் அடைய செய்கிறது.

kerala balloon seller become overnight sensation

ராணு மோண்டல், கச்சா பதம் பாடகர் என பலர் குறித்த வீடியோக்கள், இணையத்தில் வெளியாகி, ஒரே நாளில் அவரை வேற லெவலில் பிரபலம் ஆக்கியிருந்தது.

அந்த வகையில், சிலர் கேமராவில் சிக்கி, பிரபலம் ஆவதும் உண்டு. உதாரணத்திற்கு, பாகிஸ்தான் நாட்டைச் சேர்ந்த டீ வியாபாரியாக இருந்த இளைஞர் ஒருவரின் புகைப்படங்கள், இணையத்தில் வெளியாகி அவரை அதிகம் புகழ் பெறச் செய்திருந்தது.

இளம்பெண்ணின் 'Transformation'

சமீபத்தில் கூட, கேரளாவைச் சேர்ந்த வயதான கூலித் தொழிலாளி ஒருவரை மொத்தமாக மாற்றி, கோட் சூட்டுடன் ஸ்டைலாக எடுத்த போட்டோஷூட்களும் அதிகம் இணையத்தில் லைக்குகளை அள்ளி இருந்தது. அந்த வகையில், தற்போது இளம்பெண் ஒருவரின் 'Transformation', பயங்கரமாக ஹிட்டடித்து வருகிறது.

பலூன் விற்று வந்த பெண்

கேரளாவில் அதிகம் ஆட்கள் கூடும் இடங்களில் இளம்பெண் ஒருவர் பலூன் விற்று வந்துள்ளார். இவரின் புகைப்படத்தினை அர்ஜுன் கிருஷ்ணன் என்ற புகைப்பட கலைஞர், அண்டலூர் காவு திருவிழாவின் போது, கேரளாவில் வைத்து புகைப்படம் எடுத்துள்ளார். மேலும், இந்த புகைப்படத்தினை அந்த இளம்பெண் மற்றும் அவரது தயாரிடமும் அர்ஜுன் காட்டியுள்ளார். இதனைக் கண்ட இருவரும் அதிகம் மகிழ்ச்சி அடைந்துள்ளனர்.

அமோக வரவேற்பு

கிஸ்பு என்ற அந்த பெண், ராஜஸ்தான் பகுதியைச் சேர்ந்தவர். இவர் கேரளாவில் பலூன் வியாபாரியாக இருந்து வருகிறார். இவரின் புகைப்படத்தை, அர்ஜுன் தன்னுடைய சமூக வலைதள பக்கங்களில் பகிர்ந்ததும், இதற்கான வரவேற்பு, அமோகமாக இருந்தது. அவரது நண்பர் ஷ்ரேயாஸ் என்பவரும், கிஸ்புவை புகைப்படம் எடுத்துள்ளார்.

லேட்டஸ்ட் போட்டோஷூட்

இதற்கும் வரவேற்பு பல மடங்கு அதிகமானதால், கிஸ்புவை வைத்து தனியாக போட்டோஷூட் ஒன்றையும் நடத்த திட்டம் போட்டுள்ளனர். அதன்படி, கிஸ்புவின் குடும்பத்தில் பேசி, இதற்கு சம்மதமும் வாங்கிக் கொண்டுள்ளதாக கூறப்படுகிறது. மேலும், ரம்யா என்ற ஸ்டைலிஸ்ட் ஒருவருடன் இணைந்து, மொத்தமாக கிஸ்புவை மாடர்னாக மாற்றியுள்ளனர்.

கேரள பெண்ணாக மாறிய கிஸ்பு

அது மட்டுமில்லாமல், கேரளா ஸ்டைலில் கசவு புடவை அணிந்து, ஒரு கேரளா பெண்ணாகவும் மாறியுள்ளார் கிஸ்பு. இந்த புகைப்படங்கள் பார்ப்பதற்கு அவரை ஒரு மலையாளி பெண் போலவே உணர வைக்கிறது. பலூன் வியாபாரியாக இருந்த பெண்ணின் 'Makeover' புகைப்படங்கள், இணையத்தில் அதிகம் வைரலாகி வருகிறது.

 

ஒரு புகைப்படத்தால், என்ன மாற்றங்கள் வேண்டுமானாலும் நிகழும் என்பதற்கு கிஸ்புவின் வாழ்க்கையை புரட்டி போட்ட இந்த சம்பவம், மிகப் பெரிய உதாரணம்.

Tags : #PHOTOSHOOT #BALLOON SELLER #MODERN #KERALA #VIRAL PHOTOSHOOT #SENSATION

மற்ற செய்திகள்

தொடர்புடைய செய்திகள்

ABOUT THIS PAGE

This page contains news relating to various facts and events. The views are generally about current affiars and general topics in diversified areas such as political, international, national, and regional issues, sports, health, travel, lifestyle, technology and business. People having similar interets on the above topics will find this page useful. Kerala balloon seller become overnight sensation | India News.