Kadaisi Vivasayi Others

உன் ஹஸ்பண்ட் மேரேஜ் ஃபோட்டோ அனுப்புறேன், பாரு.. ஐயோ, இது என்னோடது.. மணமேடையில் வைத்து கைதான மணமக்கள்

முகப்பு > செய்திகள் > உலகம்

By Issac | Feb 09, 2022 08:40 AM

அமெரிக்கா: மணமகனும், மணப்பெண்ணும் திருமணத்தின் போதே போலீசாரால் கைது செய்யப்பட்ட அதிர்ச்சி சம்பவம் நடந்துள்ளது. மணமகனின் முன்னாள் மனைவியின் திருமண உடை உள்ளிட்ட சில பொருட்களை திருடியதாக கொடுக்கப்பட்ட புகாரின் அடிப்படையில் இந்த நடவடிக்கை மேற்கொள்ளபட்டுள்ளது.

us bride and groom are arrested by police during the wedding

அமெரிக்காவில் வசித்து வரும் மேரி, ஆடம் இருவருக்கும் ஒரே நிறுவனத்தில் பணியாற்றி வந்த போது காதல் மலர்ந்துள்ளது. இதனையடுத்து சில வருடங்களிலேயே இருவரும் திருமணம் செய்துகொண்டுள்ளனர். திருமணத்திற்கு பிறகு அந்த நிறுவனத்தை விட்டு விலகிய மேரி, ஆடமையும் விவாகரத்து செய்துள்ளார்.

சில ஆண்டுகளுக்குப் பிறகு ஆடம் பணியாற்றும் நிறுவனத்தில் தனது துறையிலேயே வேலை பார்த்து வந்த செல்சியா என்ற பெண்ணை திருமணம் செய்து கொள்ள முடிவெடுத்துள்ளார். இருவருக்கும் இடையே ஏற்கனவே பழக்கம் இருந்ததாகவும், இதனால் தான் ஆடமை, முதல் மனைவி மேரி விவாகரத்து செய்ததாகவும் கூறப்படுகிறது. இந்நிலையில் இருவரும் திருமணத்திற்கான அனைத்து ஏற்பாடுகளையும் செய்துள்ளனர். தங்களுடன் நிறுவனத்தில் பணியாற்றும் அனைவரையும் திருமணத்திற்கு அழைத்துள்ளனர்.

செல்சியா, ஆடம் திருமணத்தில் பங்கேற்ற ஊழியர்களுக்கு செல்சியாவின் திருமண உடையை எங்கேயோ? பார்த்தது போல் நியாபகம் வந்துள்ளது. ஆம், அது மேரி ஆடமை திருமணம் செய்து கொள்ளும் போது போட்டிருந்த அதே டிரஸ் தான். உடனே மணக்கோலத்தில் இருக்கும் செல்சியாவின் புகைப்படத்தை மேரிக்கு அனுப்பிய அந்த நபர், ‘இந்த உடையை எங்கேயோ பார்த்தது போல் இல்லையா?’ என கேள்வி எழுப்பியுள்ளார்.

அந்த போட்டோவை பார்த்து டென்ஷனான மேரி உடனடியாக போலீசில் தனது திருமண உடை மற்றும் சில ஆபரணங்கள் தனது முன்னாள் கணவர் மற்றும் அவரது காதலியால் திருடப்பட்டதாக புகார் தெரிவித்துள்ளார். உடனடியாக திருமணம் நடந்து கொண்டிருந்த இடத்திற்கு வந்த போலீசார் செல்சியாவிடம் திருமண உடை மற்றும் நகைகள் குறித்து விசாரணை நடத்தியுள்ளானர்.

அதனை கழட்டி கொடுக்கும் படி காவல்துறையினர் கேட்டுள்ளனர். ஆனால் அதற்கு சம்மதிக்காத செல்சியா மற்றும் ஆடம் இருவரும் காவல்துறையினருடன் கடுமையான வாக்குவாதத்தில் ஈடுபட்டுள்ளனர். இதனையடுத்து இருவரும் காவல்நிலையத்திற்கு அழைத்துச் செல்லப்பட்டனர். திருமணத்தில் பங்கேற்ற அனைவரும் எதிர்பாராதவிதமாக நடந்த இந்த செயலால் அதிர்ச்சியுடன் திரும்பினர். திருமண நாளான்று முன்னாள் மனைவியின் திருமண உடை மற்றும் நகைகளை திருடியதற்காக மணமகன், மணப்பெண்ணுடன் கைது செய்யப்பட்ட சம்பவம் சோசியல் மீடியாவில் வைரலாகி வருகிறது

Tags : #BRIDE #GROOM #WEDDING #AMERICA #அமெரிக்கா #மணமகன் #மணமகள் #திருமணம் #ஆடை

மற்ற செய்திகள்

தொடர்புடைய செய்திகள்

ABOUT THIS PAGE

This page contains news relating to various facts and events. The views are generally about current affiars and general topics in diversified areas such as political, international, national, and regional issues, sports, health, travel, lifestyle, technology and business. People having similar interets on the above topics will find this page useful. Us bride and groom are arrested by police during the wedding | World News.