தமிழகத்தின் இன்றைய கொரோனா நிலவரம்!.. முக்கிய தரவுகள்!.. ஓரிரு வரிகளில்!

தமிழகத்தில் இன்று ஒரே நாளில் 54 பேருக்கு கொரோனா வைரஸ் தொற்று உறுதி செய்யப்பட்டுள்ளது.

தமிழகத்தில் தினந்தோறும் கொரோனா வைரஸ் பாதிப்புகள் குறித்த அறிவிப்புகள் சுகாதாரத்துறை சார்பில் வெளியிடப்பட்டு வருகிறது. அந்த வகையில், இன்று வெளியான தகவலில் இன்று மட்டும் தமிழகத்தில் 54 பேருக்கு கொரோனா வைரஸ் உறுதி செய்யப்பட்டிருப்பதாக தெரிவிக்கப்பட்டுள்ளது. இதன்மூலம், தமிழகத்தில் கொரோனா வைரஸால் பாதிக்கப்பட்டோரின் எண்ணிக்கை 1,683 ஆக உயர்ந்துள்ளது.

தமிழகத்தில் இதுவரை 752 பேர் குணமடைந்துள்ளனர். 20 பேர் பலியாகியுள்ளனர். மேலும், 908 பேர் சிகிச்சை பெற்று வருகின்றனர்.

சென்னையில் மட்டும் 27 பேருக்கு இன்று கொரோனா வைரஸ் உறுதி செய்யப்பட்டுள்ளது.

இதனால், சென்னையில் கொரோனா வைரஸால் பாதிக்கப்பட்டவர்களின் எண்ணிக்கை 400ஐ எட்டியுள்ளது. மேலும், தமிழகத்தில் தற்போதுவரை 59,952 பேருக்கு பரிசோதனைகள் மேற்கொள்ளப்பட்டிருப்பதாக தெரிவிக்கப்பட்டுள்ளது.