"டெல்லியை 'பாரிஸ்' போன்று மாற்றுவோம்" "ஓ... வாவ்... சூப்பர்..." "அப்டின்னு மட்டும் பொய் சொல்ல மாட்டோம்..." காம்பீரின் அல்டிமேட் விமர்சனம்...

டெல்லியை பாரிஸ் நகரைப் போன்று மாற்றுவோம் என ஆம் ஆத்மியை போல் பொய் சொல்ல மாட்டோம் என கிரிக்கெட் வீரரும் பா.ஜ.க-வின் நாடாளுமன்ற உறுப்பினருமான கவுதம் கம்பீர்  விமர்சித்து பேசியுள்ளார்.

டெல்லி சட்டமன்றத் தேர்தல் வருகிற பிப்ரவரி மாதம் நடைபெற உள்ளது. தேர்தல் தொடர்பான பிரச்சாரங்கள் தீவிரமாக நடைபெற்று வருகின்றன. இதில், ஆம் ஆத்மி கட்சியும் பா.ஜ.க-வும் ஒருவரை ஒருவர் கடுமையாக விமர்சனம் செய்து வருகின்றனர். இந்த நிலையில், கிரிக்கெட் வீரரும் பா.ஜ.க-வின் நாடாளுமன்ற உறுப்பினருமான கவுதம் கம்பீர் அரவிந்த் கெஜ்ரிவாலை விமர்சித்துப் பேசியுள்ளார்.

டெல்லியில்  செய்தியாளர்களிடம் பேசிய அவர், ``நாட்டின் தலைநகரை லண்டனாக அல்லது பாரிஸாக மாற்றுவோம் போன்ற பொய்யான வாக்குறுதிகளை கூறமாட்டோம் எனக் கூறினார். டெல்லியை சிறந்த மற்றும் பாதுகாப்பான இடமாக மாற்றுவோம். எதை எங்களால் செய்ய முடியுமோ அதை மட்டுமே உறுதியாகச் சொல்வோம் என்றும் குறிப்பிட்டார்.  கடந்த 5 ஆண்டுகளில் அரவிந்த் கெஜ்ரிவால் மக்களுக்குத் மிகப்பெரிய துரோகம் இழைத்துள்ளார் என்றும் விமர்சித்து பேசினார்.