'2022 வரை இந்த சலுகை'...'கார் வாங்க இருப்பவர்களுக்கு வரப்பிரசாதம்'... தமிழக அரசு அறிவித்துள்ள அதிரடி வரிவிலக்கு!

சுற்றுச்சூழல் பாதிப்பைக் கருத்தில் கொண்டு தமிழக அரசு அதிரடி முடிவு ஒன்றை எடுத்துள்ளது.

காற்று மாசு மற்றும் சுற்றுச்சூழல் பாதிப்பைத் தடுக்கும் வகையில் அரசு பல்வேறு நடவடிக்கைகளை எடுத்து வருகிறது. அதன் ஒரு பகுதியாக பேட்டரி வாகனங்களுக்கு 100 சதவீதம் வரிச்சலுகை அளித்து தமிழக அரசு உத்தரவிட்டுள்ளது. காற்று மாசை கட்டுப்படுத்துவதற்காக பேட்டரி மூலம் இயங்கும் வாகனங்கள் பயன்பாட்டை அதிகரிக்கத் தமிழக அரசு நடவடிக்கை எடுத்து  வருகிறது. அந்த வகையில், பேட்டரி மூலம் இயங்கும் இரு சக்கர மற்றும் நான்கு சக்கர வாகனங்களுக்கு 100 சதவீத வரிச் சலுகையைத் தமிழக அரசு அறிவித்து உத்தரவிட்டுள்ளது.

கடந்த 2008ஆம் ஆண்டிலிருந்து பேட்டரி வாகனங்களுக்கு 50 சதவீத வரி விலக்கு வழங்கப்பட்டு வரும் நிலையில், தற்போது இந்த அறிவிப்பு வெளியாகியுள்ளது. 2022ஆம் ஆண்டு இறுதி வரை நூறு சதவீத வரி விலக்குடன் பேட்டரியால் இயங்கும் வாகனங்களைப் பொதுமக்கள் வாங்கலாம் என்று போக்குவரத்துத் துறை ஆணையர் உத்தரவிட்டுள்ளார்.