தனுஷின் அடுத்த பாலிவுட் பட இயக்குநர் இவரா?

ஆங்கிலம் மற்றும் ஃபிரெஞ்சு மொழிகளில் கடந்த ஆண்டு வெளியான இப்படம் பிரான்ஸ் நாட்டில் அமோக வரவேற்பை பெற்றது. கென் ஸ்காட் இயக்கத்தில் உருவான இப்படம் கேன்ஸ் உள்ளிட்ட பல்வேறு சர்வதேச திரைப்பட விழாக்களில் திரையிடப்பட்டு பார்வையாளர்களின் கவனம் ஈர்த்தது. இப்படத்திற்கு அமித் திரிவேதி இசையும், நிகோலஸ் எறேரா பின்னணி இசையும் அமைத்துள்ளார். மதன் கார்க்கி பாடல் வரிகள் எழுதியுள்ளார்.

இந்நிலையில், இப்படத்தின் டிரைலர் வெளியீட்டு விழாவில் கலந்துக் கொண்ட நடிகர் தனுஷ், சர்வதேச படத்தில் பணியாற்றிய தனது அனுபவம் குறித்து பகிர்ந்துக் கொண்டார். அதைத் தொடர்ந்து பத்திரிகையாளர்களிடம் உரையாடிய நடிகர் தனுஷ், தனது அடுத்த பாலிவுட் படம் பற்றிய தகவலை பகிர்ந்துக் கொண்டார். ஏற்கனவே ‘ஷமிதாப்’, ‘ராஞ்சனா’ உள்ளிட்ட பாலிவுட் திரைப்படங்களில் நடித்த தனுஷிற்கு பாலிவுட்டிலும் ரசிகர்கள் ஏராளம்.

இதன் காரணமாக அவரது அடுத்த பாலிவுட் படம் குறித்த அறிவிப்பிற்கு அவரது ரசிகர்கள் காத்திருந்த நிலையில், இயக்குநர் ஆனந்த் எல்.ராய்-ஐ சந்திக்க திட்டமிட்டிருப்பதாகவும், விரைவில் நேரடி பாலிவுட் படத்தில் நடிக்கவிருப்பதாகவும் தெரிவித்தார். மேலும், ‘பேட்ட’ இயக்குநர் கார்த்திக் சுப்பராஜ், சூப்பர் ஸ்டார் ரஜினிகாந்த் இணையும் திரைப்படத்தை தனுஷ் தயாரிக்கவுள்ளதாக வெளியான தகவலை தனுஷ் மறுத்துள்ளார்.

தற்போது வெற்றிமாறன் இயக்கத்தில் ‘அசுரன்’ திரைப்படத்தில் நடித்து வரும் தனுஷ், சத்யஜோதி ஃபிலிம்ஸ் தயாரிப்பில் இயக்குநர் துரை செந்தில்குமார் இயக்கும் படத்திலும், இயக்குநர் ராம்குமார் இயக்கும் படத்திலும் நடிக்கிறார். இது தவிர ‘பரியேறும் பெருமாள்’ படத்தின் இயக்குநர் மாரி செல்வராஜ் இயக்கத்திலும் ஒரு படத்தில் நடிக்கவிருக்கிறார்.

There was plenty of love for @dhanushkraja as the star took to the stage for the #TEJOTFTrailer launch. https://t.co/eN2RDcSx9D

— Twitter Moments India (@MomentsIndia) June 4, 2019