ஏ.ஆர்.முருகதாஸ் இயக்கத்தில் ரஜினிகாந்த் நடிப்பில் உருவாகும் ‘தர்பார்’ படத்திற்கு ஒளிப்பதிவு செய்யும் சந்தோஷ் சிவன், ரஜினியின் இளமை ரகசியம் குறித்து தனது ட்விட்டர் பக்கத்தில் தெரிவித்துள்ளார்.
ஏ.ஆர்.முருகதாஸ் இயக்கத்தில் ரஜினிகாந்த் நடிக்கும் ‘தர்பார்’ படத்தின் இரண்டாவது கட்ட படப்பிடிப்பு மும்பையில் விறுவிறுப்பாக நடந்து வருகிறது.
இந்த படத்தில் ரஜினிகாந்த் மும்பையை கலக்கும் ரவுடிகளை சுட்டுத்தள்ளும் என்கவுண்ட்டர் போலீஸ் அதிகாரியாக நடிக்கிறார். மற்றொரு வேடத்திலும் வருகிறார். அதை ரகசியமாக வைத்துள்ளனர். கதாநாயகியாக நயன்தாரா நடிக்கிறார். நிவேதா தாமஸ், யோகி பாபு, பிரதிக் பாபர், சிராக் ஜனி, ஜத்தின் சர்னா உள்ளிட்டோர் முக்கிய கதாபாத்திரங்களில் நடிக்கின்றனர்.
அனிருத் இசையமைக்கும் இந்த படத்திற்கு சந்தோஷ் சிவன் ஒளிப்பதிவு செய்கிறார். படப்பிடிப்பு விறுவிறுப்பாக நடந்து வரும் நிலையில், ரஜினி குறித்து சந்தோஷ் சிவன் தனது ட்விட்டர் பக்கத்தில் கூறியிருப்பதாவது:
ரஜினி சார் அருமையானவர். அவரது சுறுசுறுப்பு அவரை இளமையாக வைத்திருக்கிறது. தளபதி படத்திற்குப் பிறகு அவரை படம் பிடிக்கிறேன். இவ்வாறு குறிப்பிட்டுள்ளார்.
Rajini Sir is awesome - his energy makes him younger😃👌.. filming him after Thalapathi 🙏
— SantoshSivanASC. ISC (@santoshsivan) May 30, 2019
