இந்திய கிரிக்கெட் வீரர் விளையாட தடை..! பிசிசிஐ அறிவிப்பால் ரசிகர்கள் அதிர்ச்சி..! காரணம் என்ன?

அனுமதி பெறாமல் கிரிக்கெட் போட்டியில் விளையாடியதற்காக இந்திய கிரிக்கெட் வீரருக்கு பிசிசிஐ தடை விதித்துள்ள சம்பவம் பரபரப்பை ஏற்படுத்தியுள்ளது.

உத்திரபிரதேசம் மாநிலத்தை சேர்ந்த ரிங்கு சிங் என்ற 21 வயதான இந்திய கிரிக்கெட் வீரர் இந்தியா ஏ அணியில் விளையாடி வருகிறார். இவர் நடந்து முடிந்த ஐபிஎல் தொடரில் கொல்கத்தா அணி சார்பாகவும் விளையாடியுள்ளார். தற்போது இலங்கை ஏ அணிக்கு எதிரான ஒருநாள் போட்டியில் விளையாட இந்தியா ஏ அணியில் இடம்பிடித்திருந்தார்.

இந்நிலையில் அபுதாபில் நடைபெற்ற அங்கீகரிக்கப்படாத 20 ஓவர் கிரிக்கெட் போட்டி ஒன்றில் ரிங்கு சிங் விளையாடியுள்ளார். இப்போட்டியில் விளையாடுவதற்கு முன்பு பிசிசிஐ-யிடம் முறையான அனுமதி பெறவில்லை. இதனால் விதிமுறைகளை மீறியதற்காக ரிங்கு சிங் மூன்று மாதம் விளையாட பிசிசிஐ தடைவித்துள்ளது. இந்த தடை வரும் ஜூன் மாதம் 1 -ம் தேதி முதல் அமல்படுத்தப்படும் என கிரிக்பஃஸ்(cricbuzz) செய்தி குறிப்பில் தெரிவிக்கப்பட்டுள்ளது.