"டாடா படத்தை பாத்ததும்".. கணவருடன் இணைந்து வாழ விரும்பும் பெண்.. எமோஷனல் ஆன இயக்குனர்!!

Also Read | "மாஸ்டரை தான் கேமரால காட்டுவாங்க".. விக்ரமன் பெயரை ரச்சிதா சொன்னதும் பிரியங்காவின் கலாய்!!

இப்படத்தில் கவின் மற்றும் அபர்ணா தாஸ் முதன்மை கதாபாத்திரங்களில் நடித்துள்ளனர். கவின் மற்றும் அபர்ணா தாஸூடன்  K.பாக்யராஜ், ஐஸ்வர்யா, ஹரிஷ், பிரதீப் ஆண்டனி ஆகியோர் இந்த படத்தில் நடித்துள்ளனர்.

இந்த படத்திற்கு எழில் அரசு ஒளிப்பதிவு செய்துள்ளார். ஜென் மார்ட்டின் இசையமைத்துள்ளார், கதிரேஷ் அழகேசன், எடிட்டிங் பணிகளை மேற்கொண்டுள்ளார், சண்முக ராஜ் கலை இயக்குனராகவும் பணியாற்றியுள்ளார்.

Images are subject to © copyright to their respective owners.

முன்னதாக டாடா திரைப்படத்தின் ட்ரைலர் மற்றும் பாடல்கள் என அனைத்தும் வெளியான நாள் முதலே படத்தின் மீதான எதிர்பார்ப்பு அதிகமாக இருந்தது. தொடர்ந்து, திரைப்படமும் வெளியான சூழலில் மக்கள் மத்தியில் அமோக வரவேற்பை பெற்று சிறந்த படமாகவும் மாறி உள்ளது. இந்த நிலையில், படத்தின் இயக்குனர் கணேஷ் கே பாபு தனது ட்விட்டர் பக்கத்தில் பகிர்ந்துள்ள பதிவு ஒன்று, அதிக கவனம் பெற்று வருகிறது.

Images are subject to © copyright to their respective owners.

தனது ட்விட்டர் பக்கத்தில் வாட்ஸ் அப் ஸ்கிரீன்ஷாட் ஒன்றை பகிர்ந்துள்ள கணேஷ் கே பாபு, அதில் அவருடைய கல்லூரி தோழி ஒருவர் டாடா படம் பார்த்துவிட்டு அனுப்பிய மெசேஜ்ஜை குறிப்பிட்டுள்ளார். அதில் படம் சிறப்பாக இருந்ததாகவும், வார்த்தைகளால் விவரிக்க முடியவில்லை என்றும் கணேஷ் கே பாபுவின் தோழி தெரிவித்துள்ள நிலையில், அவர் ஒரு தாயாக தனது குழந்தையுடன் தனியாக வாழ்ந்து வருவதாக குறிப்பிட்டுள்ளார்.

Images are subject to © copyright to their respective owners.

மேலும் டாடா படம் பார்த்த பின்னர் தனது கணவருடன் இணைந்து வாழ விருப்பப்படும் அவர், அதற்காக ஏதேனும் காரணங்கள் தேடிக் கொண்டிருப்பதாக தெரிவித்துள்ளார். இந்த ஸ்க்ரீன்ஷாட்டை பகிர்ந்த கணேஷ் கே பாபு, "இதுதான் எனக்கு நிஜமான வெற்றி. இவர் என்னுடைய கல்லூரி நண்பரில் ஒருவர். டாடா படத்திற்கு கிடைத்த சிறந்த விமர்சனம் இதுதான். டாடா படத்தை எங்களுக்கு ஸ்பெஷலாக மாற்றிய அனைவருக்கும் நன்றி" என குறிப்பிட்டுள்ளார்.

Also Read | "பேசுறவங்களே 1,000 Gossip".. அசிம் இந்த வார்த்தையை விக்ரமனுக்கு சொல்லலையா?.. நடந்தது என்ன?