REELS சாட்சியாக கல்யாணம்.. என்னங்கயா தாலி-லாம் கட்டுறீங்க..?.. வைரலாகும் வீடியோ.

தற்போது வைரலாகி வரும் கல்யாண கப்பில் வீடியோவை பார்க்கும்போது 'என் வாழ்க்க நாடகமா?' என நடிகர் நெப்போலியன் புரண்டு படுத்துகிட்டே படுவாரே அப்படித்தான் இருக்கிறது பலருக்கும். பொதுவாக காதலிக்கும்போது ரீல்ஸ் வீடியோக்களை தெறிக்க விடும் ஜோடிகள் அதன் பின்னர் யூடியூப் பக்கமும் சென்று ஏதாவது ஒரு காதல் பக்கத்தை ஆரம்பித்துவிடுவதே தற்கால பண்பாடாக இருக்கிறது.

ரொம்ப நேரம் வெய்ட் பண்ண மாற்றுத் திறனாளி ரசிகர்.. வேகமா வந்த கோலி கொடுத்த அசத்தல் கிஃப்ட்.. வைரல் வீடியோ..!

அந்த வகையில் அதற்கெல்லாம் ஒரு படி மேலே போய், இன்ஸ்டாகிராம் ரீலிஸ்-ல் இளம்பெண் ஒருவருக்கு ஒரு இளைஞன் தாலி கட்டும் வீடியோ தற்போது வைரலாகி வருகிறது.

ரீல்ஸ் கல்யாணம்

கியூட் கப்பில்ஸ் என்ற இன்ஸ்டாகிராம் பக்கத்தை நடத்திவரும் இந்த ஜோடி அவ்வப்போது வீடியோக்களை போட்டுவருவதுண்டு. இந்நிலையில், ரீலிஸ்-லேயே இவர்கள் கல்யாணம் செய்துகொள்ளும் வீடியோவையும் வெளியிட்டிருக்கிறார்கள் இந்த இணைபிரியா ஜோடி. இது நடந்தது கோவிலிலா? வீட்டிலா? எனத் தெரியவில்லை.

அதேபோல உறவினர் இருப்பதையும் வீடியோவில் கண்டுபிடிக்க முடியவில்லை. ஆனால், அந்த இளைஞர், பெண்ணின் கழுத்தில் எதையோ கட்டுகிறார். அது மட்டும் தெளிவாக தெரிகிறது. இந்த வீடியோவை இதுவரையில் 8 மில்லியனுக்கும் அதிகமானோர் பார்த்திருக்கிறார்கள்.

ஸ்ரீகாந்த் கண்ணா என்பவரான இந்த இளைஞர் அந்தப் பெண்ணுடன் இணைந்து ரிங் லைட் சகிதமாக வீடியோ போட்டு வந்தார். இதற்கு தனி ரசிகர் பட்டாளமே இருக்கிறது என்றுதான் சொல்ல வேண்டும். இந்நிலையில், திடீரென இன்ஸ்டாகிராம் ரீலிஸ்-லேயே இருவரும் திருமணம் செய்துகொள்ளும் வகையில் வீடியோ வெளியிட்டு இருப்பது இன்ஸ்ட்டா ஏரியா மக்களை ஆச்சர்யப்பட வைத்து இருக்கிறது.

மூன்று முடிச்சு

கியூட் கப்பில்ஸ் 143 என்னும் பெயரில் இன்ஸ்ட்டாவில் வலம்வரும் இந்த ஜோடிக்கு உண்மையாகவே திருமணம் நடைபெற்றதா? அல்லது இதுவும் மற்றவற்றை போல சாதாரண வீடியோவா என்பதை அந்த ஜோடியே தான் விளக்க வேண்டும். ஆனால், மூன்று முடிச்சை மாங்கு மாங்கென்று ஸ்ரீகாந்த் கட்டும்போது இளம்பெண் கையில் காப்பு அணிந்திருக்கிறார் என்பது மட்டும் தெளிவாகிறது.

இந்த சம்பவத்தினை பொறுமையாக ஒரு நபர் வீடியோவும் எடுத்திருக்கிறார். நேற்று வரைக்கும் காதல் டிக்டாக்குகளை அள்ளி வீசிக்கொண்டு இருந்த இந்த ஜோடி, திருமணம் செய்தது போல வீடியோ வெளியிட்டு இருப்பதுதான் தற்போதைய இன்ஸ்ட்டா ஹாட் டாபிக்.

டீச்சர் அடிக்கிறாங்க என்னன்னு கேளுங்க.. போலீஸ் ஸ்டேஷனுக்கு தனியாக வந்த 3 ஆம் வகுப்பு Cute சிறுவன்..