கொரோனாவால் 'எளிமையாக' நடந்த நிச்சயதார்த்தம்... டிசம்பரில் 'அமர்த்யா'வை கரம் பிடிக்கும் ஐஸ்வர்யா?

கொரோனா காரணமாக அமர்த்யா-ஐஸ்வர்யா நிச்சயதார்த்தம் எளிமையான முறையில் நடந்தது.

வேகமாக பரவிவரும் கொரோனாவால் சுபநிகழ்ச்சிகளில் 50 பேருக்கு மேல் கலந்து கொள்ளக்கூடாது என கர்நாடக அரசு உத்தரவிட்டுள்ளது.

இந்த நிலையில் கர்நாடகா காங்கிரஸ் தலைவர் டி.கே.சிவக்குமாரின் மகள் ஐஸ்வர்யாவுக்கும், மறைந்த கஃபே காபி டே அதிபர் சித்தார்த்தாவின் மகன் அமர்த்யாவுக்கும் எளிமையான முறையில் நிச்சயதார்த்தம் நேற்று பெங்களூரில் உள்ள சிவக்குமாரின் வீட்டில் வைத்து நடைபெற்றது.

இதில் இரு குடும்பத்தை சேர்ந்த நெருங்கிய உறவினர்கள் மட்டுமே கலந்து கொண்டனர். இருவரின் திருமணமும் டிசம்பரில் நடைபெற உள்ளதாக தகவல்கள் வெளியாகி உள்ளன.