‘கோயில் சுவர் இடிந்து விழுந்து’.. ‘6 பேர் பலியான பரிதாபம்’.. ‘கிருஷ்ண ஜெயந்தி கொண்டாட்டத்தில் நடந்த சோகம்’..

மேற்கு வங்கத்தில் கோயில் சுவர் இடிந்து விழுந்ததில் 6 பேர் உயிரிழந்துள்ளனர். 20க்கும் அதிகமானோர் காயமடைந்துள்ளனர்.

மேற்கு வங்க மாநிலம் பர்கனாஸ் மாவட்டத்தில் உள்ள லோக்நாத் கோயிலுக்கு கிருஷ்ண ஜெயந்தியை முன்னிட்டு ஏராளமான பக்தர்கள் வந்துள்ளனர். கோயிலில் கூட்டம் அதிகமாக இருந்த நிலையில் இன்று அதிகாலை 3 மணியளவில் மழை பெய்யத் தொடங்கியதால் வெளியே நின்றுகொண்டிருந்த பக்தர்கள் அனைவரும் கோயிலுக்குள் ஓடியுள்ளனர்.

அப்போது திடீரென கோயிலின் சுவர் இடிந்து விழுந்துள்ளது. இதில் 6 பேர் உயிரிழந்துள்ளனர். 20க்கும் அதிகமானோர் படுகாயமடைந்து கொல்கத்தா தேசிய மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளனர்.

இதைத்தொடர்ந்து மேற்கு வங்க முதலமைச்சர் மம்தா பானர்ஜி மருத்துவமனைக்கு சென்று காயமடைந்தவர்களை நேரில் சந்தித்து ஆறுதல் கூறியுள்ளார். மேலும் உயிரிழந்தவர்களின் குடும்பத்திற்கு 5 லட்சம் ரூபாயும், காயமடைந்தவர்களுக்கு 1 லட்சம் ரூபாயும் இழப்பீடாக வழங்கப்படும் எனவும் அறிவித்துள்ளார்.

#UPDATE West Bengal: 6 dead after a wall of a temple, where people were gathering to celebrate #Janmastami, collapsed in Kachua, North 24 Pargana, earlier today. https://t.co/i7J9WOCyEr

— ANI (@ANI) August 23, 2019