www.garudabazaar.com

Vadhandhi : பிரபல ஓடிடியில் SJ சூர்யா நடித்த ‘வதந்தி’ வெப் சீரிஸ்.! எதுல? எப்போ?

முகப்பு > சினிமா செய்திகள்

By |

வால்வாட்சர் பிலிம்ஸ் நிறுவனத்தின் கீழ் புஷ்கர் மற்றும் காயத்ரி , ஆண்ட்ரூ லூயிஸ் உருவாக்கியுள்ள புதிய அமேசான் ஒரிஜினல் தொடர்  வதந்தி - தி ஃபேபிள் ஆஃப் வெலோனி.

Pushkar Gayatri Presents SJ Suryah Vadhandhi Series Prime Video

Also Read | “ரச்சிதா ஏன் சிறு நீர்னு கேக்குறாங்க”.. அரண்மனை டாஸ்கால் குழம்பிய நடன மாஸ்டர்.. bigg boss 6 tamil

மும்பை, இந்தியா—17 நவம்பர், 2022:   இந்தியாவில்  மிகவும் அதிகளவில் விரும்பப்படும் பொழுதுபோக்கு மையமாக விளங்கும் பிரைம் வீடியோவில் அமேசான் ஒரிஜினல் தொடரான வதந்தி– தி ஃபேபிள் ஆஃப் வெலோனி சீரிஸ் ஒளிபரப்பாகவுள்ளதாக அறிவிக்கப்பட்டுள்ளது.

விமர்சன ரீதியாக பெரிதும் பாராட்டப்பட்ட சுழல் –தி வோர்டெக்ஸ் (Suzhal –The Vortex,) ஐத் தொடர்ந்து  இந்த அதிர வைக்கும் தமிழ் க்ரைம் த்ரில்லரை, புஷ்கர் (Pushkar) மற்றும் காயத்ரி (Gayatri) இருவரும் இணைந்து  வால்வாட்சர் பிலிம்ஸ் நிறுவனத்தின் பெயரில் தயாரிக்க ஆண்ட்ரூ லூயிஸ் (Andrew Louis) ஆல் உருவாக்கப்பட்டுள்ளது. 8 எபிசோடுகளைக் கொண்ட இந்த த்ரில்லர் 240 க்கும் மேற்பட்ட நாடுகள் மற்றும் பிராந்தியங்களில், டிசம்பர் 2 ஆம் தேதி முதல் பிரைம் சந்தாதாரர்களுக்கு தமிழ், இந்தி, தெலுங்கு, மலையாளம் மற்றும் கன்னட மொழிகளிலும் காணக் கிடைக்கும்.

கிசுகிசுக்கள் என்று பொருள்படும் வதந்தி என்ற இந்த சீரிஸின் தலைப்புக்கு இணங்க,  இதன் அறிமுக நடிகையாக  சஞ்சனா  (Sanjana) ஏற்றுள்ள இளம் மற்றும் அழகு ததும்பும் வெலோனி என்கிற கதாபாத்திரத்தின் மூலம் வதந்திகளால் நிறைந்த ஒரு புதிரான உலகிற்கு இந்தக் கதைக்களம் உங்களை அழைத்துச் செல்கிறது.  சற்று மனக்கலக்கத்துடன்  ஆனால் மன உறுதியோடு கூடிய  காவல் அதிகாரியான எஸ்.ஜே.சூர்யா  (S.J. Suryah), பொய்களால் ஆன ஒரு வலையில் தான் சிக்குண்டுள்ளதை அறிகிறார். ஆனாலும்  உண்மையைக் கண்டறிவதில் தன் விடா முயற்சியை தொடர்கிறார்.

ஓரு செல்வச் செழிப்பான அடுக்குகளால் ஆன ஒரு சிறிய நகரம் வெலோனியின் கதையை சிக்கலானதாக ஆக்கும் அதே சமயம் அதை ஒரு புதிரான விந்தைகள் நிறைந்ததாகவும் மாறசெய்கிறது. இந்த திரைப்படத்தில்  லைலா(Laila) , எம். நாசர்,(M.Nasser), விவேக் பிரசன்னா (Vivek Prasanna), குமரன் (Kumaran), மற்றும் ஸ்மிருதி வெங்கட் (Smruthi Venkat) போன்ற பிரபலமான நடிகர்களும் முக்கிய வேடங்களில் நடித்துள்ளனர்.

இதுபற்றி பிரைம் வீடியோ இந்தியா ஒரிஜினல்ஸ் இன்  தலைவர் அபர்ணா புரோஹித் கூறும்போதி,  “சுழல் – தி வோர்டெக்ஸ்க்குக் கிடைத்த அமோக வரவேற்பைத் தொடர்ந்து., புஷ்கர் மற்றும் காயத்ரியுடனான  எங்களின் இரண்டாவது கூட்டு முயற்சியில் உருவான வதந்தி சீரிஸை, பண்படுத்தப்படாத, உணர்வுகளின் பின்னணியோடு மனதைக் கொள்ளைக்கொள்ளும் இந்த அற்புதமான திரில்லராக  ஆண்ட்ரூ லூயிஸ் திறம்பட எழுதி இயக்கியிருக்கிறார். ரசிகர்களை அவர்களது இருக்கையில் கட்டிப்போட்ட வைக்கும் உன்னதமான நடிப்புத் திறன் கொண்ட இதன் நட்சத்திர நடிகர்கள்,  தங்களது  சக்திவாய்ந்த மற்றும் மயக்கும் நடிப்பால் இந்தக் கதைக்கு உயிர் ஊட்டியுள்ளனர்.” என பேசியுள்ளார்.

Pushkar Gayatri Presents SJ Suryah Vadhandhi Series Prime Video

இந்தத் தொடரின் படைப்பாளிகளான புஷ்கர் மற்றும் காயத்ரி ஆகியோர் இதுபற்றி பேசும்போது, “இன்றைய ரசிகர்கள் தாங்கள் எதை விரும்பிப் பார்ப்பது என்பதில் ஒரு தெளிவான சிந்தனையை கொண்டிருப்பதால், அவர்களுக்கான ஒரு வித்தியாசமான, தனித்துவம் வாய்ந்த மற்றும் மனதில் ஆழ்ந்து பதியக்கூடிய உள்ளடக்கங்களைக் கொண்ட கதைக்களத்தை உருவாக்குவது மிக முக்கியமான ஒன்று என்று நாங்கள் உண்மையிலேயே நம்புகிறோம். குற்றச்செயல்களை கலை வடிவத்தின் ஒரு யுத்தியாக கையாளுவது கதை சொல்வதை ஒரு அலங்காரமற்ற மற்றும் இயற்கையான முழுமையான வடிவத்தில் வெளிப்படுத்துகிறது. வதந்தி – தி ஃபேபிள் ஆஃப் வெலோனியின் மூலமாக, பார்வையாளர்களின் கற்பனாசக்தியை  முழுமையாக வெளிக்கொண்டுவந்து, சமூகத்தின் ஒருதலைப்பட்சமான நடவடிக்கைகளை கேள்விக்குள்ளாக்குவதே எங்கள் நோக்கம். இந்தக் கதை பார்வையாளர்களை மகிழ்விப்பது மட்டுமல்லாமல், இறுதியில் எண்ட் கார்டு முடிந்த பிறகும் நீண்ட நேரத்திற்கு அவர்களை சிந்தனை வயப்படுத்தும்” என்று தெரிவித்தனர்.

மேலும் பேசியவர்கள்,  “எழுத்தாளர்-இயக்குனர்-படைப்பாளி என்ற பன்முகம் கொண்ட ஆண்ட்ரூ லூயிஸுடன் இந்த பரபரப்பான க்ரைம் த்ரில்லரை உருவாக்கும் விதமாக ஒத்த புரிதலுடன் இணைந்து பணியாற்றுவதை நாங்கள்  அருமையாக உணர்ந்தோம். எஸ்.ஜே. சூர்யா போன்ற ஒரு மூத்த கலைஞர் முதன்மை பாத்திரத்தை ஏற்க, ஒரு உன்னதமான திறமையுடன் கூடிய நட்சத்திரக் குழுவோடும் மற்றும் சஞ்சனா போன்ற புதிய  அறிமுகங்களோடும் நிறைந்த இந்தத் தொடர் அதன் இறுதிக் காட்சி வரை ரசிகர்களை கட்டுண்டு கிடக்கச்செய்யும். இந்த டிசம்பர் மாதம் உலகம் முழுவதும் வெளியிடப்படும் வதந்தி ரசிகர்களை நிச்சயமாகக் கவரும் என்று நாங்கள் நம்புகிறோம்.”  என குறிப்பிட்டுள்ளனர்.

வரம்புகள் இல்லாத வகையில் புத்தம் புதிய, மற்றும் தனித்துவமான திரைப்படங்கள்,  டிவி ஒளிபரப்புக்கள், ஸ்டாண்ட் அப் நகைச்சுவை, அமேசான் ஒரிஜினல்கள் , விளம்பரங்கள் இல்லாத அமேசான் பிரைம் மியூசிக் இசை, இந்தியாவின் மிகப்பெரிய  தயாரிப்பு  வரிசை தேர்வுகளை விரைவாகவும் இலவசமாகவும் வழங்கல், மதிப்பு மிக்க  சலுகைகளை எளிதாக அணுகும் வசதி, பிரைம் ரீட்டிங்கில் எல்லையற்ற வாசிப்பு, பிரைம் கேமிங்கின் மொபைல் கேமிங் உள்ளடக்கங்கள், ஆகியவைகளோடு பணத்துக்கான ஒரு பிரமிக்கத்தக்க மதிப்பை அமேசான்  பிரைம் வழங்குகிறது. இவை அனைத்தும் ஆண்டுக்கு ரூ. 1499 மட்டுமே உறுப்பினர் சந்தா செலுத்துவதன் மூலம் கிடைக்கும் என்பது குறிப்பிடத்தக்கது.

Also Read | Kalaga Thalaivan : உதயநிதி நடித்த ‘கலகத் தலைவன்’.. படம் பார்த்துவிட்டு பாராட்டிய முதல்வர் ஸ்டாலின்.!

தொடர்புடைய இணைப்புகள்

Pushkar Gayatri Presents SJ Suryah Vadhandhi Series Prime Video

People looking for online information on Prime Video, Pushkar Gayatri, Sj suryah, Vadhandhi will find this news story useful.