'ஆதித்ய வர்மா' டிரெய்லரின் 'சேது' பட வெர்ஷனை பகிர்ந்த துருவ் விக்ரம்

இ4 எண்டர்டெய்ன்மென்ட் நிறுவனம் இந்த படத்தை தயாரித்துள்ளது. இந்த படத்தில் துருவ் விக்ரமிற்கு ஜோடியாக பாலிவுட் நடிகை பனிதா சந்து நடித்துள்ளார். மேலும் முக்கிய வேடத்தில் நடிகை பிரியா ஆனந்த் நடித்துள்ளார்.

ரவி.கே சந்திரன் ஒளிப்பதிவு செய்துள்ள இப்படத்திற்கு ரதன் இசையமைத்துள்ளார். இப்படத்தின் டிரெய்லர் வெளியாகி ரசிகர்களிடம் மிகுந்த எதிர்ப்பார்ப்பை ஏற்படுத்திய நிலையில், இப்படம் வரும் நவம்பர் 21 ஆம் தேதி வெளியாகும் என்று அறிவிக்கப்பட்டுள்ளது.

இந்நிலையில் ஆதித்ய வர்மா டிரெய்லரின் சேது பட வெர்ஷனை துருவ் இன்ஸ்டாகிராம் பக்கத்தில் பகிர்ந்துள்ளார். அதில், ''அப்பா எப்பொழுதுமே நீங்க தான் ஆதித்ய வர்மா. இந்த வீடியோ அதனை உறுதி செய்துள்ளது'' என்று குறிப்பிட்டுள்ளார்.