மக்கள் செல்வனுக்கு தமிழக அரசு அளித்த கௌரவம்!

தமிழக அரசு சார்பில் திரைத்துறை உள்ளிட்ட பல்வேறு துறைகளில் சிறந்து விளங்குவோருக்கு ‘கலைமாமணி விருது’ ஆண்டுதோறும் வழங்கப்பட்டு வருகிறது. அதன்படி, கடந்த 2011 முதல் 2018-ம் ஆண்டு வரையிலான கலைமாமணி விருதுக்கு தேர்வு செய்யப்பட்ட 201 நபர்களுக்கு கடந்த ஆகஸ்ட் மாதம் சென்னை கலைவாணர் அரங்கில் நடந்த விழாவில் விருது வழங்கப்பட்டது. இத்துடன் 3 சவரன் எடையுடன் பதக்கம், சான்றிதழ் போன்றவை வழங்கப்பட்டது.

இந்நிலையில், அந்த விருது விழாவின் போது கடந்த 2017-ம் ஆண்டிற்கான விருது பட்டியலில் இடம்பிடித்திருந்த நடிகர் விஜய் சேதுபதிக்கு விருது வழங்கப்படவில்லை. இதையடுத்து, நடிகர் விஜய்சேதுபதிக்கு கலைமாமணி விருதை இன்று (நவ.15) தலைமைச் செயலகத்தில் அமைச்சர் மாஃபா.பாண்டியராஜன் வழங்கினார்.