6 பதக்கங்களை வென்ற 'தல' அஜித்.. வேகமாக பரவி வரும் வைரல் புகைப்படங்கள்!

தமிழகத்தின் அனைத்து பகுதிகளிலிருந்தும் சுமார் 900-க்கும் மேற்பட்டோர் பங்கேற்ற இந்த நிகழ்வில் 60-க்கும் மேற்பட்ட பிரிவுகளில் பல்வேறு துப்பாக்கிச் சுடுதல் போட்டிகள் நடைபெற்றன. சென்னை ரைஃபிள் கிளப், மதுரை ரைஃபிள் கிளப், கோயம்புத்தூர் ரைஃபிள் கிளப் உட்பட 52 கிளப்கள் இந்தப் போட்டிகளில் பங்கெடுத்தன.

இதில் சென்னை ரைஃபிள் கிளப் அணி பல்வேறு பதக்கங்களைக் குவித்தது. சென்னை ரைஃபிள் கிளப்பின் உறுப்பினரான நடிகர் அஜித் இந்த போட்டியில் 6 பதக்கங்களை வென்றார். அவருக்கு ரைஃபிள் கிளப்பின் இதர உறுப்பினர்கள் தங்களுடையப் பாராட்டுகளைத் தெரிவித்தனர்.

இந்த போட்டியில் வெற்றி பெற்றவர்களுக்கு சென்னை ரைஃபிள் கிளப்பின் செயலாளர் ராஜசேகர் பாண்டியன், தேசிய ரைஃபிள் கூட்டமைப்பின் பொதுச்செயலாளர் டிவிஎஸ் ராவ், தமிழ்செல்வன் டிஜிபி, தமிழ்நாடு துப்பாக்கி சுடுதல் கூட்டமைப்பின் செயலாளர் ரவிகிருஷ்ணன், சென்னை ரைஃபிள் கிளப்பின் இணைச் செயலாளர் கோபிநாத் ஆகியோர் பதக்கங்களை வழங்கினார்கள். மேலும் மதுரை ரைஃபிள் கிளப் செயலாளர் வேல் சங்கர், கோயம்புத்தூர் ரைஃபிள் கிளப் செயலாளர் மருதாச்சலாம் உள்ளிட்ட பலர் இந்தப் போட்டியில் சிறப்பு விருந்தினர்களாக கலந்துக் கொண்டார்கள்.

இந்த துப்பாக்கி சுடுதல் போட்டியில் ஏர் பிஸ்டல் 10 மீ - தங்கம், சென்டர் ஃபயர் பிஸ்டல் (ஐ.எஸ்.எஸ்.எஃப்) (25 மீ) - வெள்ளி, சென்டர் ஃபயர் பிஸ்டல் (என்.ஆர்) - (25 மீ) - தங்கம், ஸ்டாண்டர்ட் பிஸ்டல் (ஐ.எஸ்.எஸ்.எஃப்) - (25 மீ) - தங்கம், ஸ்டாண்டர்ட் பிஸ்டல் (என்.ஆர்) - (25 மீ)  - வெள்ளி, ஃப்ரீ பிஸ்டல் (50 மீ) - தங்கம் உள்ளிட்ட பதக்கங்களை நடிகர் அஜித் வென்றுள்ளார்.

ALSO READ: 'தேம்பி அழுத அஸ்வின்'.. தேற்றும் புகழ்.. Behindwoods டிஜிட்டல் & டெலிவிஷன் விருது - கண்கலங்க வைத்த நிகழ்வு!