Enjoy Enjaami -க்கு பிறகு அறிவு & சந்தோஷ் நாராயணன் .. வெளியான கீச்சே கீச்சே பாடல்.!

நடிகையாக ஆண்ட்ரியா நடித்த தரமணி மற்றும் வட சென்னை உள்ளிட்ட படங்கள் அவருக்கு கூடுதல் பாராட்டுகளை பெற்றுத் தந்தன. அண்மையில் விஜய் நடிப்பில் 'மாஸ்டர்' , சுந்தர்.சியின் 'அரண்மனை 3' ஆகிய படங்களில் தோன்றி இருந்த நடிகை ஆண்ட்ரியா, இப்படங்களை அடுத்து மிஷ்கின் இயக்கத்தில் பிசாசு 2 மற்றும் வேறு இயக்குநர்களின் பல திரைப்படங்களிலும் நடித்து வருகிறார்.

இந்நிலையில் தற்போது இயக்குநர் வெற்றிமாறனின் கிராஸ்ரூட்ஸ் பிலிம் நிறுவனம் தயாரிப்பில் ‘அனல் மேலே பனித்துளி’ படத்தில் ஆண்ட்ரியா நடித்துள்ளார். கெய்சர் ஆனந்த் இயக்கியுள்ள இந்த படத்துக்கு சந்தோஷ் நாராயணன் இசையமைக்க, வேல்ராஜ் ஒளிப்பதிவு செய்கிறார்.

விரைவில் நேரடி ஓடிடி வெளியீடாக சோனி லைவ் தளத்தில் வெளியாகவுள்ள இந்த படத்தின் தலைப்பு மற்றும் பர்ஸ்ட் லுக் போஸ்டர், அண்மையில் வெளியாகி கவனத்தைப் பெற்றுள்ளது. இந்நிலையில் இந்த திரைப்படத்தில் இருந்து ஆண்ட்ரியா இடம் பெறும் பாடல் ஒன்று வெளியாகியுள்ளது.

என்சாய் எஞ்சாமி பாடலைத் தொடர்ந்து தெருக்குரல் அறிவு மற்றும் சந்தோஷ் நாராயணன் இந்த பாடலில் இணைந்துள்ளனர். ஆம், தெருக்குரல் அறிவு வரிகள் எழுத, இசையமைப்பாளர்  சந்தோஷ் நாராயணன் இசையமைத்துள்ள இந்த பாடலை மீனாக்‌ஷி இளையராஜா மற்றும் சந்தோஷ் நாராயணன் இணைந்து பாடியுள்ளனர்.

The Second Single #KeecheKeeche from #AnelMeleyPaniThuli is yours now 😊

🔗https://t.co/LdZBDAwBHI

A @Music_Santhosh Musical 🎶

✍️ @TherukuralArivu

🎙️#SaNa & #MeenakshiElayaraja@GrassRootFilmCo @VetriMaaran #B4U & #IVYEntertainment @andrea_jeremiah @AnandKaiser @VelrajR pic.twitter.com/5GgLoOdfoh

— Behindwoods (@behindwoods) August 6, 2022

வித்தியாசமான விஷூவல் மற்றும் கதைக்களத்தில், கீச்சு கீச்சு என்று தொடங்கும் இந்த பாடல் தற்போது வைரலாகி வருகிறது.