100 வருசம் பழமையான டயரி மில்க் சாக்லேட் கவர்.. பலகைக்கு அடியே பார்த்ததும் மிரண்டு போன பெண்.. வைரல் பின்னணி!!

அவ்வபோது இணையத்தில் நம்மை சுற்றி நடக்கும் விஷயங்கள் வைரல் ஆவதை நாம் கவனித்திருப்போம்.

                                    Images are subject to © copyright to their respective owners

அப்படி வைரலாகும் விஷயங்கள், இயல்பாக நடக்கும் விஷயங்களில் இருந்து சற்று மாறுபட்டு வினோதமாகவோ, அதிர்ச்சி கலந்தோ அல்லது கலகலப்பான விஷயமாகவோ, வியப்பூட்டும் வகையிலோ இருக்கும் போதும் அவை இணையவாசிகள் மத்தியில் பேசு பொருளாக மாறி பலரது கவனத்தை பெறவும் செய்யும்.

அந்த வகையில் நம் அனைவரையும் வியப்பில் ஆழ்த்தக்கூடிய ஒரு செய்தி தான் தற்போது இணையத்தில் அதிகம் வைரல் ஆகி வருகிறது.

100 வருஷம் பழமையானது

பொதுவாக பல ஆண்டுகளுக்கு முன்புள்ள ஏதாவது பொருட்கள் எதிர்பாராத நேரத்தில் சிலர் கையில் கிடைக்கும் போது அது ஒரு வித சிலிர்ப்பை நமக்குள் கடத்திச் செல்லும். அப்படி ஒரு சம்பவம் தான் லண்டனைச் சேர்ந்த பெண் ஒருவருக்கு நிகழ்ந்துள்ளது.

Images are subject to © copyright to their respective owners

UK  -வின் டெவான் என்னும் பகுதியைச் சேர்ந்தவர் எம்மா யங் (Emma Young). இந்தப் பெண்ணிற்கு தற்போது 51 வயதாகும் சூழலில் இவர் சுமார் நூறு ஆண்டுகள் பழமையான டைரி மில்க் Wrapper ஒன்றை தனது வீட்டை புதுப்பிக்கும் சமயத்தில் கண்டெடுத்துள்ளார்.

பலகைக்கு அடியே இருந்த கவர்

அவரது வீட்டின் பாத்ரூமில் உள்ள ஃப்ளோரில் உள்ள தரைப் பலகைகளை புதுப்பிக்கும் பணி நடைபெற்றதாக தகவல்கள் கூறுகின்றது. அப்போது அதிலிருந்த தூசியை சுத்தம் செய்யும் சமயத்தில், பலகைகளுக்கு அடியில் ஒரு டைரி மில்க் சாக்லேட்டின் Wrapper இருந்துள்ளதை கவனித்துள்ளார். அதற்குள் சாக்லேட் இல்லை என்ற சூழ்நிலையிலும், பழைய வீட்டில் இப்படி டைரி மில்க்கின் கவர் இருப்பது அவரை சற்று வியப்படைய வைத்துள்ளது.

Images are subject to © copyright to their respective owners

அது மட்டுமில்லாமல் இது எத்தனை ஆண்டுகள் பழமை வாய்ந்தது என்பதை அறிந்து கொள்ளவும் எம்மா யங்கிற்கு அதிக ஆர்வம் ஏற்பட்டுள்ளது. இதனைத் தொடர்ந்து சாக்லேட் விற்பனை நிலையம் சென்று இது பற்றி கேட்டபோது அது 1930 - 34 ஆண்டுகள் காலக்கட்டத்தில் உள்ளது என்றும் தெரிவித்துள்ளனர்.

வியப்பில் ஆழ்ந்த பெண்

மேலும் அந்த சாக்லேட்டின் தற்போதைய கண்டிஷன் தான் தன்னை திகைக்க வைத்தது என்றும், இத்தனை ஆண்டுகள் கடந்தும் அழகாக இருக்கிறது என்றும் தெரிவித்துள்ளார் எம்மா யங். ஒரு பக்கம் எலிகளால் அந்த கவர் மெல்லப்பட்டிருக்கும் சூழலில் மற்றொரு புறம் அழகாக இருப்பதாகவும் அவர் தெரிவித்துள்ளார்.

Images are subject to © copyright to their respective owners

அதேபோல ஒரு சாக்லேட் கவரினை வெறுமென கடந்து செல்ல முடியாமல், ஒரு வரலாற்று விஷயமாகவும் பார்க்கும் எம்மா யங், இதனை விரைவில் ஃபிரேம் செய்து வீட்டில் வைக்கவும் விரும்புவதாக தெரிவித்துள்ளார். நூறாண்டுகள் பழமை வாய்ந்த டைரி மில்க் சாக்லேட்டின் கவர் கிட்டத்தட்ட அதே நிலையில் கிடைத்துள்ளது தற்போது அந்த சாக்லேட் பிரியர்களின் மத்தியிலும் கவனம் பெற்று வருகிறது.