இவங்களுக்கெல்லாம் ‘NO’ இன்டர்வியூ.. ஒமைக்ரான் பரவலால் ‘H-1B’ விசா வழக்குவதில் தளர்வு.. அமெரிக்கா அதிரடி அறிவிப்பு..!

ஒமைக்ரான் பரவலால் எச்1பி விசா வழங்குவதில் அமெரிக்க அரசு தளர்வை அறிவித்துள்ளது.

அமெரிக்காவில் குடியுரிமை பெறாமல் தற்காலிகமாக தங்கி பணி புரிவதற்காக H-1B விசா வழங்கப்பட்டு வருகிறது. அதேபோல் அமெரிக்காவுக்கு புலம்பெயர்ந்தோருக்கும் விசா வழங்கப்பட்டு வருகிறது. இந்த விசாக்களுக்கு விண்ணப்பம் செய்பவர்கள் நேர்காணலுக்கு செல்ல வேண்டும் என்பது நடைமுறையில் உள்ளது.

ஆனால் தற்போது அமெரிக்காவில் ஒமைக்ரான் வைரஸ் வேகமாக பரவி வருகிறது. அதனால் H-1B விசா வழங்குவதில் அமெரிக்க அரசு தளர்வை அறிவித்துள்ளது. அதன்படி இந்த விசாக்களுக்கு விண்ணப்பம் செய்பவர்களுக்கு நேர்காணல் கிடையாது என தெரிவிக்கப்பட்டுள்ளது.

அதில் மாணவர்களுக்கான விசா, தற்காலிக விவசாயம் அல்லது ஊழியர்கள், தடகளம், கலைஞர்கள், பொழுதுபோக்கு உள்ளிட்ட 15-க்கும் மேற்பட்ட பட்டியலில் உள்ளவர்களுக்கு நேர்காணல் நடைமுறை தற்காலிகமாக நிறுத்தப்படுவதாக அமெரிக்க வெளியுறவுத்துறை அமைச்சகம் தெரிவித்துள்ளது.

அதேபோல் விசா காலாவதியான 48 மாதங்களுக்குள், விசா விண்ணப்பிக்கும் விண்ணப்பதாரர்களுக்கான நேர்காணலை தள்ளுபடி செய்ததற்கான அங்கீகாரத்தை காலவரையின்றி நீட்டித்துள்ளதாக அமெரிக்க வெளியுறவுத்துறை அமைச்சகம் தெரிவித்துள்ளது.