சார், என் காருக்குள்ள 'அந்த' விலங்கு இருக்கு.. வேணும்னா நீங்களே போய் பாருங்க.. ஒரு நிமிஷம் ஆடிப்போன போலீஸ்

முகப்பு > செய்திகள் > உலகம்

By Issac | Feb 13, 2022 07:30 AM

கலிஃபோர்னியா: கலிபோர்னியாவில் தடை செய்யப்பட்ட விலங்கை வைத்துக்கொண்டு சுற்றித்திரிந்த போதை இளைஞரை கலிஃபோர்னியா போலீசார் கைது செய்து, சிறையில் அடைத்துள்ளனர்.

California man drive the car with the live crocodile

கலிஃபோர்னியாவை சேர்ந்த ஆண்டர்சன் போலீசார் வெளியிட்டுள்ள அறிக்கையின் படி, வட கலிபோர்னியாவில் உள்ள ஆண்டர்சன் பகுதியில் இளைஞர் ஒருவர் போதையில் கார் ஓட்டியதாக 29 வயதான டெய்லர் வாட்சன் என்னும் நபரை போலீசார் கைது செய்துள்ளனர். அப்போது அந்த நபர் கூறியதைக் கேட்டு காவல்துறையினர் அதிர்ச்சியடைந்தனர்.

கைது செய்யப்பட்ட பிறகு போலீசார் வாட்சனிடம் வழக்கமான சில கேள்விகளை கேட்டுள்ளனர். அப்போது அவர் தனது காரில் முதலை ஒன்று உயிருடன் இருப்பதாக கூறியுள்ளார். உடனே காரை திறந்து பார்த்த காவல்துறையினர் கார் டிக்கியில் சிறிய முதலை இருந்தது தெரிய வந்தது.

பத்திரமாக மீட்பு:

இதுபற்றி உடனடியாக தகவல் கொடுக்கப்பட்டதை அடுத்து, கலிஃபோர்னியா மீன் மற்றும் வனவிலங்குத் துறையைச் சேர்ந்த அதிகாரிகள் மற்றும் விலங்கு கட்டுப்பாட்டு துறையைச் சேர்ந்த அதிகாரிகள் சம்பவ இடத்திற்கு வந்து முதலையை பத்திரமாக மீட்டனர். இதுதொடர்பான விவரங்களை ஆண்டர்சன் பகுதி போலீசார் தங்களது ஃபேஸ்புக் பக்கத்தில் பகிர்ந்துள்ளனர். அதுமட்டுமல்லாமல், போலீசார் அந்த முதலை குட்டியுடன் எடுத்துக்கொண்ட சில புகைப்படங்களையும் முகநூலில் ஷேர் செய்துள்ளனர்.

California man drive the car with the live crocodile

வழக்குப்பதிவு:

கைது செய்யப்பட்ட வாட்சன் தற்போது சாஸ்தா கவுண்டி சிறையில் அடைக்கப்பட்டுள்ளார். தன் நண்பர் சிறையில் அடைக்கப்பட்டதால் கடந்த ஒருவாரமாக அவருடைய முதலையை தான் பராமரித்து வருவதாக காவல்துறையினரிடம் கூறியுள்ளார். ஏற்கனவே குடிபோதையில் வாகனம் ஓட்டிய குற்றச்சாட்டோடு, தற்போது சட்டவிரோதமாக உயிருள்ள முதலையை வைத்திருந்ததற்காகவும் அவர் மீது வழக்குப்பதிவு செய்யப்பட்டுள்ளது.

தனிமனிதர்கள் முதலைகள் வளர்க்க தடை:

அனுமதியின்றி கலிஃபோர்னியாவில் முதலையை செல்லப்பிராணியாக வைத்திருப்பது சட்டவிரோதமான செயலாகும். வணிகம் மற்றும் பொழுதுபோக்கு காரணங்களுக்காக முதலைகளை வேட்டையாடுவது 1992-ஆம் ஆண்டு முதல் தடை செய்யப்பட்டுள்ளது. 1966-இன் அழிந்துவரும் உயிரினங்கள் பாதுகாப்புச் சட்டத்தின் கீழ் முதலைகள் சேர்க்கப்பட்டது குறிப்பிடத்தக்கது.

தற்போதைய நிலவரப்படி அமெரிக்காவில் 5 மில்லியன் முதலைகள் இருப்பதாகவும், அதில் 1.25 மில்லியன் முதலைகள் புளோரிடாவில் இருப்பதாகவும் புள்ளிவிவரம் தெரிவிக்கிறது. போதை மனிதரின் காரில் உயிருள்ள முதலை இருந்த சம்பவம் கலிபோர்னியாவில் பெரும் பரபரப்பை ஏற்படுத்தியுள்ளது.

Tags : #CROCODILE #CALIFORNIA #CAR #முதலை #கலிபோர்னியா #கார்

மற்ற செய்திகள்

தொடர்புடைய செய்திகள்

ABOUT THIS PAGE

This page contains news relating to various facts and events. The views are generally about current affiars and general topics in diversified areas such as political, international, national, and regional issues, sports, health, travel, lifestyle, technology and business. People having similar interets on the above topics will find this page useful. California man drive the car with the live crocodile | World News.