சென்னை கடற்கரை-செங்கல்பட்டு மின்சார ரயில்கள் ‘பாதி வழியில்’ ரத்து.. தெற்கு ரயில்வே ‘முக்கிய’ அறிவிப்பு..!

பராமரிப்பு பணிகள் நடைபெறுவதால் சென்னை புறநகர் மின்சார ரயில்கள் குறிப்பிட்ட வழித்தடங்களில் பாதி வழியுடன் ரத்து செய்யப்படுவதாக தெற்கு ரயில்வே அறிவித்துள்ளது.

சென்னை கடற்கரை ரயில் நிலையத்தில் இருந்து செங்கல்பட்டுக்கு இன்றும், நாளையும், காலை 9:32 மணி, 10:08 மணி, 10:56 மணி, 11:48 மணிக்கு இயக்கப்படும் மின்சார ரயில்கள் ரத்து செய்யப்பட்டுள்ளன. அதேபோல் 30ம் தேதி (நாளை) நண்பகல் 12:15 மணிக்கு தாம்பரம்-செங்கல்பட்டு இடையே இயக்கப்படும் மின்சார ரயிலும் ரத்து செய்யப்பட்டுள்ளது.

செங்கல்பட்டில் இருந்து சென்னை கடற்கரை ரயில் நிலையத்துக்கு, இன்றும், நாளையும் காலை 11:30 மணி, நண்பகல் 12:20 மணி, மதியம் 1:00 மணி மற்றும் 1:50 மணிக்கு இயக்கப்படும் மின்சார ரயில்கள், செங்கல்பட்டு-தாம்பரம் இடையே ரத்து செய்யப்பட்டுள்ளன.

நாளை செங்கல்பட்டில் இருந்து சென்னை கடற்கரை ரயில் நிலையத்துக்கு, காலை 10:55 மணிக்கு இயக்கப்படும் மின்சார ரயில், செங்கல்பட்டு-தாம்பரம் இடையே ரத்து செய்யப்பட்டுள்ளது.