‘இன்னும் 2 வருஷத்துக்கு ரெஸ்ட் கிடையாது’.. ஓய்வு முடிவிலிருந்து ‘யு-டர்ன்’ அடித்த பிரபல வீரர்.. ‘உற்சாகத்தில் ரசிகர்கள்’..

அடுத்த ஆண்டு ஓய்வு பெறுவேன் எனக் கூறியிருந்த லசித் மலிங்கா தற்போது தன் முடிவை மாற்றிக்கொண்டுள்ளது அவரது ரசிகர்களை உற்சாகத்தில் ஆழ்த்தியுள்ளது.

அடுத்த ஆண்டு டி20 உலகக் கோப்பையுடன் ஓய்வு பெற விரும்புவதாக இலங்கை வீரர் லசித் மலிங்கா முன்னதாக தெரிவித்திருந்தார். இந்நிலையில் தற்போது இன்னும் 2 ஆண்டுகளுக்கு அணிக்கு தன்னால் சிறப்பான பங்களிப்பை தர முடியும் என்பதால் ஓய்வு முடிவை மாற்றிக்கொண்டுள்ளதாகத் தெரிவித்துள்ளார்.

இதுகுறித்துப் பேசியுள்ள மலிங்கா, “நிறைய டி20 போட்டிகளில் விளையாடியுள்ளதால் கேப்டனாகவும், வீரராகவும் என்னால் டி20 கிரிக்கெட்டில் தொடர முடியும். 4 ஓவர்கள் தான் வீசப்போகிறோம். அதனால் இன்னும் 2 ஆண்டுகள் விளையாடக் கூடிய உடல் தெம்பு உள்ளது” எனத் தெரிவித்துள்ளார். ஆனால் மலிங்கா அணியின் கேப்டனாக இருப்பாரா என்பது குறித்து இலங்கை அணி நிர்வாகம் அதிகாரப்பூர்வ அறிவிப்பு எதையும் இன்னும் வெளியிடவில்லை.