"இவங்க தான் இரண்டாம் இடத்துக்கு தகுதியானவங்க, ஆனா"... விஜய் டிவி பிரபலம் வெளியிட்ட பதிவு!

இந்நிலையில் விஜய் டிவியின் பிரபல தொகுப்பாளரும், இசையமைப்பாளருமான ஜேம்ஸ் வசந்தன் ஒரு பதிவிட்டுள்ளார். அதில் "என் பார்வையில், இரண்டாவது இடத்திற்கு சனம், அல்லது அனிதா மட்டுமே தகுதியானவர்கள். இந்த விளையாட்டை விதிமுறைகளுக்கு உட்பட்டு நேர்மையாக விளையாடியவர்கள்.

முகத்துக்கு நேரே கேட்டார்கள். புறம்பேசவில்லை. அணி சேர்த்துக்கொண்டு பிறரைப் பழிவாங்கவில்லை. பித்தலாட்டம் செய்யவில்லை. கோழைகளாக இல்லை. விதிமுறைகளை மீறவில்லை. அனிதாவின் அழுகையும், சிரிப்பும் வெறுப்பாக இருந்தது என்பது விளையாட்டுக்கு முரண் இல்லையே. ஒருவர் தன்னை அழகாக காட்டிக்கொள்ள நடிக்க, அதுவும் ஒரு பெண்ணுக்கு, எவ்வளவு நேரம் ஆகும்? நயன்தாராவைப் போல மென்மையாக சிரித்து, ஸ்டைலாக அழுது நடித்திருக்கலாமே! இயல்பாகத்தானே இருந்தார்?

சனம், தன்னை உள்ளடக்கிய பிரச்சனைகளில் தீர விசாரிக்கிறதைத் தவிர வேறு என்ன செய்தார்? தேவையில்லாத பாச அணிகளை உருவாக்கவோ, அதில் சிக்கிக்கொள்ளாமலோ எல்லோருடனும் இனிமையாக, யதார்த்தமாகத்தானே பழகினார். இந்த இருவரும் எந்த விதிமுறைகளை எத்தனை முறை மீறினார்கள்? இந்த விளையாட்டில் முன்னணியில் நின்று (எதுவுமே பங்களிக்காத சில மக்குணிகளைப் போல இல்லாமல்) விளையாடியவர்கள் இந்த இருவர் மட்டுமே!" என்று கூறியுள்ளார்.