இரும்புத்திரை, சர்தார் படங்களின் இயக்குனருக்கு டும்டும்டும்.. வாழ்த்தும் பிரபலங்கள்!!

Images are subject to © copyright to their respective owners

முதல் படமே பெரிய அளவில் ஹிட்டானதை தொடர்ந்து இரண்டாவது படத்தில் சிவகார்த்திகேயனை வைத்து "ஹீரோ" என்ற திரைப்படத்தையும் மித்ரன் இயக்கி இருந்தார். அடுத்தடுத்து இரண்டு படங்களும் வெற்றி பெற்று சிறந்த இயக்குனர் என்ற பெயரையும் பி.எஸ். மித்ரனுக்கு வாங்கி கொடுத்திருந்தது.

மேலும் அடுத்து மித்ரன் இயக்கிய 'சர்தார்' என்ற திரைப்படத்தில் கார்த்தி நாயகனாக நடித்திருந்தார். கடந்த ஆண்டு தீபாவளி பண்டிகையை முன்னிட்டு இந்த திரைப்படம் வெளியாகி இருந்தது. இந்த திரைப்படம் பிளாக்பஸ்டர் ஹிட் ஆனதுடன் பல கதாபாத்திரங்களில் வித்தியாசமாக நடித்திருந்த கார்த்திக்கும் பாராட்டுக்களை பெற்று கொடுத்திருந்தது.

அடுத்தடுத்து பல்வேறு ஹிட் படங்களை கொடுத்து வரும் இயக்குனர் பி.எஸ். மித்ரனுக்கும், சினிமா பத்திரிக்கையாளரான ஆஷாமீரா என்பவருக்கும் கடந்த ஆண்டு ஜூன் மாதம் நிச்சயதார்த்தம் நடைபெற்று இருந்தது. இந்த நிகழ்வில் ஏராளமான பிரபலங்கள் கலந்து கொண்டு அவர்கள் இருவரையும் வாழ்த்தவும் செய்திருந்தனர்.

Images are subject to © copyright to their respective owners

இந்த நிலையில் தற்போது, பி.எஸ். மித்ரன் - ஆஷாமீரா ஆகியோரின் திருமணமும் அமர்க்களமாக நடந்து முடிந்துள்ளது. இந்த திருமணத்தின் புகைப்படங்களை 'இன்று நேற்று நாளை' இயக்குனர் ரவிக்குமார் தன்னுடைய ட்விட்டர் பக்கத்தில் பகிர்ந்து, பி.எஸ். மித்ரன் மற்றும் ஆஷாமீரா ஜோடிக்கு வாழ்த்துகளையும் தெரிவித்துள்ளார்.

Images are subject to © copyright to their respective owners

பிஎஸ் மித்ரன் திருமணத்திற்கு பிரபலங்கள் மற்றும் ரசிகர்கள் கூட தங்களின் வாழ்த்துக்களைத் தெரிவித்து வருவது குறிப்பிடத்தக்கது.