VIDEO: பிரசித்தி பெற்ற தமிழக சிவன் கோயிலில் ஐஸ்வர்யா ரஜினிகாந்த் சாமி தரிசனம்.. வைரல் போட்டோஸ்

நடிகர் சூப்பர் ஸ்டார் ரஜினிகாந்த்தின் மகளும் தமிழ் சினிமாவின் இயக்குனருமான ஐஸ்வர்யா ரஜினிகாந்த்,  தனுஷ் நடிப்பில் 3, கௌதம் கார்த்தி நடிப்பில் வை ராஜா வை உள்ளிட்ட திரைப்படங்களை  இயக்கியவர்.

ஐஸ்வர்யா ரஜினிகாந்த்  இயக்கிய முசாபிர் ஆல்பம் சமீபத்தில் வெளியானது குறிப்பிடத்தக்கது.

ஐஸ்வர்யா ரஜினிகாந்த், அடுத்ததாக லால் சலாம் படத்தினை  இயக்க உள்ளார். இந்த படத்தில் சூப்பர் ஸ்டார் ரஜினிகாந்த் கேமியோ பாத்திரத்தில் நடிக்க உள்ளார். மேலும் இந்த படத்தில் கதாநாயகனாயாக நடிகர் விஷ்ணு விஷால் & விக்ராந்த் நடிக்கிறார்கள். இந்த படத்திற்கு ஏ. ஆர். ரஹ்மான் இசையமைக்கிறார். லைகா நிறுவனம் இந்த படத்தை தயாரிக்கிறது.

சிலநாட்களுக்கு முன் சூப்பர் ஸ்டார் ரஜினிகாந்த் உடன் சேர்ந்து திருப்பதி ஏழுமலையான் கோவிலுக்கு சென்று சாமி தரிசனம் செய்தார் ஐஸ்வர்யா ரஜினிகாந்த். பின்னர் அதே நாளில் கடப்பா மாவட்டத்தில் உள்ள அமீன் பீர் தர்ஹாவிற்கு சென்று இசையமைப்பாளர் ரஹ்மான், சூப்பர் ஸ்டார் ரஜினிகாந்த், ஐஸ்வர்யா ரஜினிகாந்த் இறை வழிபாடு செய்தனர்.

இச்சூழலில் இயக்குனர் ஐஸ்வர்யா ரஜினிகாந்த், பஞ்சபூத தலங்களில் நெருப்பு தலமான திருவண்ணாமலை அண்ணாமலையார் கோவிலுக்கு சென்று ஐஸ்வர்யா ராய் சாமி தரிசனம் செய்துள்ளார்.  இது தொடர்பான புகைப்படங்கள் வெளியாகி வைரலாகி வருகின்றன.

ஐஸ்வர்யா ரஜினிகாந்த்திற்கு கோயில் நிர்வாகம் சார்பில் பிரசாதம் வழங்கப்பட்டு, பூஜை மாலை அணிவித்து மரியாதை செய்யப்பட்டது.

VIDEO: பிரசித்தி பெற்ற தமிழக சிவன் கோயிலில் ஐஸ்வர்யா ரஜினிகாந்த் சாமி தரிசனம்.. வைரல் போட்டோஸ் வீடியோ