Official: சூப்பர் ஸ்டாரின் 'தர்பார்' மோஷன் போஸ்டரை வெளியிடப்போகும் ஸ்டார்ஸ் இவர்கள் தான்!

இந்த படத்தில் ரஜினியுடன் நயன்தாரா, யோகிபாபு, ஜட்டின் சர்னா, பிரதீப் கப்ரா, நிவேதா தாமஸ், பேபி மானஸ்வி உள்ளிட்டோர் முக்கிய வேடங்களில் நடித்துள்ளனர். அனிருத் இசையமைக்கும் இப்படத்திற்கு சந்தோஷ் சிவன் ஒளிப்பதிவு செய்துள்ளார்.

இந்நிலையில், இப்படத்தின் இசையமைப்பாளர் அனிருத்தின் பிறந்தநாளை முன்னிட்டு ‘தர்பார்’ மோஷன் போஸ்டர் குறித்த அறிவிப்பு ஒன்றை வெளியிட்டார். அதில், சூப்பர் ஸ்டார் ரஜினிகாந்தின் தீம் மியூசிக்குடன் கூடிய தர்பார் படத்தின் மோஷன் போஸ்டர் வரும் நவம்பர்.7ம் தேதி ரிலீசாகும் என தெரிவித்திருந்தார்.

தற்போது ‘தர்பார்’ திரைப்படத்தின் மோஷன் போஸ்டர் வரும் நவ.7ம் தேதி மாலை 6 மணிக்கு ரிலீசாகும் என்றும், இதனை தமிழ், தெலுங்கு, ஹிந்தி, மலையாளம் திரையுலகில் உள்ள முன்னணி நடிகர்கள் சமூக வலைதளத்தில் வெளியிடுவார்கள் எனவும் தெரிவிக்கப்பட்டிருந்தது.

அதன் படி இந்த படத்தின் மோஷன் போஸ்டரை தமிழ் மற்றும் தெலுங்கு மொழிகளில் உலக நாயகன் கமல்ஹாசனும், மலையாளத்தில் மோகன்லாலும் ஹிந்தியில் சல்மான் கானும் வெளியிடுவதாக அதிகாரப்பூர்வ அறிவிப்பு வெளியாகியுள்ளது. 

Previlaged to announce that our #DarbarMotionPoster

will be unveiled by top celebrities of our Indian cinema.@ikamalhaasan sir, @BeingSalmanKhan sir, and @Mohanlal sir. Watch out our thalaivar @rajinikanth tomorrow with @anirudhofficial mass theme. @LycaProductions pic.twitter.com/84dVSzpBTG

— A.R.Murugadoss (@ARMurugadoss) November 6, 2019