'என்னது வீட்டுக்கே டீசல் வருமா'?... 'ஒரே ஒரு போன் கால் போதும்'... சென்னையில் அசத்தல் அறிமுகம்!

சென்னையில் முதல் முறையாக வீட்டுக்கே டீசல் விநியோகிக்கும் திட்டம் அறிமுகப்படுத்தப்பட்டுள்ளது.

சென்னை மாநகரில் " ஜெர்ரிகேன் " ( JerryCan " ) என்ற பெயரிலான ஒரு திட்டத்தின் மூலம் எரிபொருள் தேவைப்படுவோருக்கு அவர்களின் இருப்பிடங்களுக்கே பெட்ரோல், டீசலை நேரடியாக வழங்கும் வசதியை BPCL தொடங்கியிருக்கிறது. நகர்வின்றி நிறுவப்பட்டுள்ள சாதனங்கள் மற்றும் டீசல் ஜெனரேட்டர்களை வைத்திருக்கின்ற சிறு நுகர்வோர்களுக்கு டீசலை வழங்குவதற்கான பாதுகாப்பான வழிமுறையாக , PESO 20 லிட்டர் கொள்ளளவு கொண்ட ஜெர்ரிகேன் ஒப்புதல் பெற்றிருக்கிறது.

இதன்படி வாடிக்கையாளரின் தேவையைச் சார்ந்து , இரண்டு சக்கர வாகனங்கள் அல்லது பெரிய வாகனத்தின் வழியாக இந்த டெலிவரி மேற்கொள்ளப்படும் என்று தெரிவிக்கப்பட்டுள்ளது. இத்திட்ட அறிமுகத்தின் மூலம் வரும் நாட்களில் மாநகரின் அனைத்துப் பகுதிகளையும் மற்றும் புறநகர்ப் பகுதிகளையும் உள்ளடக்கி , 25 சில்லறை விற்பனையகங்களில் இதே வசதிகளுடன்  BPCL வழங்கவிருப்பதாகத் தெரிவிக்கப்பட்டுள்ளது.

அம்பத்தூர் சுற்று வட்டாரத்தில் 5 கிலோமீட்டருக்கு இந்த சேவையை 9500160063, 9444677246 என்கிற எண்ணைத் தொடர்பு கொண்டால் எரிபொருள் கிடைக்கும்.