தமிழகத்தில் இதுவரை 'இல்லாத' உயர்வு... '12 மாவட்டங்களில்' இன்று 'புதிய' பாதிப்பு... 3000ஐக் கடந்த 'மொத்த' எண்ணிக்கை... 'விவரங்கள்' உள்ளே...

தமிழகத்தில் இன்று ஒரே நாளில் புதிதாக 266 பேருக்கு கொரோனா பாதிப்பு இருப்பது உறுதி செய்யப்பட்டுள்ளது.

தமிழகத்தில் இன்று மட்டும் சென்னை - 203, விழுப்புரம் - 33, கடலூர் - 9, கள்ளக்குறிச்சி - 6, கோவை - 4, அரியலூர், மதுரை, தென்காசி, திருவள்ளூர் ஆகிய மாவட்டங்களில் தலா 2, செங்கல்பட்டு, கன்னியாகுமரி, திருவண்ணாமலை  ஆகிய மாவட்டங்களில் தலா 1 என மொத்தமாக 266 பேருக்கு கொரோனா பாதிப்பு இருப்பது உறுதி செய்யப்பட்டுள்ளது. இதன்முலம் பாதிக்கப்பட்டவர்களின் மொத்த எண்ணிக்கை 3 ஆயிரத்து 23 ஆக உயர்ந்துள்ளது.

மேலும் கோவையில் கொரோனாவுக்கு சிகிச்சை பெற்று வந்த 44 வயது நபர் உயிரிழந்ததையடுத்து பலி எண்ணிக்கை 30 ஆக உயர்ந்துள்ளது. அத்துடன் இதுவரை கொரோனா பாதிப்பிலிருந்து ஆயிரத்து 379 பேர் குணமடைந்து டிஸ்சார்ஜ் செய்யப்பட்டுள்ளனர்.