ரஞ்சிக்கோப்பையில் அடுத்தடுத்து இரண்டு சதம்.. அசத்திய விளையாட்டுத்துறை அமைச்சர்.. வயசானா என்ன?

மனோஜ் திவாரி, ஆலூரில் உள்ள கேஎஸ்சிஏ கிரிக்கெட் மைதானத்தில் 3 ஆம் நாள் ஆட்டத்தில் மத்தியப் பிரதேசத்திற்கு எதிரான அரையிறுதிப் போட்டியில் வங்காளத்திற்காக 211 பந்துகளில் 102 ரன்கள் எடுத்தார்.

Also Read | இங்கிலாந்துக்கு எதிரான டெஸ்ட் தொடரில் முக்கிய வீரர் விலகல்?… சிகிச்சைக்காக வெளிநாடு பயணமா?

மேற்கு வங்கத்தில் இளைஞர் விவகாரங்கள் மற்றும் விளையாட்டுத் துறை அமைச்சராகவும் உள்ள 36 வயதான இந்திய கிரிக்கெட் வீரர் தான் மனோஜ் திவாரி. 3வது நாள் முதல் செசனின் போது மிட்-விக்கெட்டில் ஒரு ரன் எடுத்து திவாரி சதத்தை எட்டினார். அவர் மகிழ்ச்சியில் தனது பேட்டை உயர்த்தி, டிரஸ்ஸிங் அறையில் இருந்து வந்த கைதட்டலை பெற்றுக்கொண்டார்.

பின் தன் உடையில் மறைத்து வைத்திருந்த ஒரு எழுதப்பட்ட வெள்ளை தாளை எடுத்தார். அதில் தனது மனைவி மற்றும் குழந்தைகளுக்கான இதயத்தைத் தூண்டும் செய்தியுடன் கையால் எழுதப்பட்ட குறிப்பையும் காட்டினார். ஒரு மாநில அரசில் அமைச்சராக இருந்தபோது ரஞ்சி சதம் அடித்த முதல் நபர் மனோஜ் திவாரி.

ஜார்கண்ட் அணிக்கு எதிரான முந்தைய ஆட்டத்தில் திவாரி 136 ரன்கள் எடுத்திருந்தது குறிப்பிடத்தக்கது. பெங்கால் அணி தனது முதல் இன்னிங்ஸ் முன்னிலையின் அடிப்படையில் ரஞ்சி டிராபியின் அரையிறுதிக்கு முன்னேறியது.

மனோஜ் திவாரி,  2006-07 ரஞ்சி டிராபியில் 99.50 சராசரியில் 796 ரன்கள் எடுத்து அனைவரையும் கவர்ந்தவர், திவாரி உள்நாட்டு கிரிக்கெட்டில் பெங்கால் அணிக்காக 15 வருடங்களுக்கு மேல் விளையாடுகிறார் மற்றும் இந்தியன் பிரீமியர் லீக்கில் டெல்லி டேர்டெவில்ஸ், கொல்கத்தா நைட் ரைடர்ஸ், கிங்ஸ் லெவன் பஞ்சாப் மற்றும் ரைசிங் புனே சூப்பர்ஜெயன்ட்ஸ் ஆகிய அணிகளுக்காக விளையாடியவர்.

இந்திய தேசிய கிரிக்கெட் அணிக்காக ஒரு நாள் சர்வதேச மற்றும் இருபது20 சர்வதேச போட்டிகளில் விளையாடினார். 2021 இல், அவர் அகில இந்திய திரிணாமுல் காங்கிரஸ் அரசியல் கட்சியில் சேர்ந்தார். அந்த ஆண்டின் பிற்பகுதியில் மேற்கு வங்க சட்டமன்றத்திற்கு தேர்ந்தெடுக்கப்பட்டார்.

அவர் 2021 மேற்கு வங்க சட்டமன்றத் தேர்தலுக்கான வேட்பாளராக ஷிப்பூரில் (சட்டசபை தொகுதி) தேர்ந்தெடுக்கப்பட்டார். மூன்றாவது மம்தா பானர்ஜி அமைச்சகத்தில் அவர் விளையாட்டு மற்றும் இளைஞர் விவகாரங்களுக்கான மாநில அமைச்சராக நியமிக்கப்பட்டார்.

Also Read | இந்திய அணியில் இடமில்லை.. நொந்து போன இளம் வீரர் போட்ட ட்வீட்! ஆதரவுக்கரம் நீட்டிய ரசிகர்கள்