இந்திய டீமோட ... ரொம்ப முக்கியமான 'பிரச்சினை' தீந்துடுச்சு போல... இளம்வீரருக்கு 'செம' பாராட்டு!

வெஸ்ட் இண்டீஸ்-இந்தியா அணிகள் இடையேயான 2-வது ஒருநாள் போட்டி தற்போது விசாகப்பட்டினத்தில் நடைபெற்று வருகிறது. இதில் முதலில் பேட்டிங் செய்த இந்திய அணி 5 விக்கெட்டுகள் இழப்பிற்கு 387 ரன்கள் குவித்தது. ஓபனிங் பேட்ஸ்மேன்கள் ரோஹித்(159), ராகுல் (102) இருவரும் சதமடித்து அசத்தினர்.

2-வதாக களமிறங்கிய வெஸ்ட் இண்டீஸ் அணி 5 விக்கெட்டுகள் இழப்பிற்கு 201 ரன்கள் எடுத்து தடுமாறி வருகிறது. இதனால் இந்திய அணியின் வெற்றி தற்போதே உறுதியாகி விட்டதாக ரசிகர்கள் கருத்து தெரிவித்து வருகின்றனர்.

11 ODIs, 6 half-centuries for Shreyas Iyer 👏

India's number four problems solved?#INDvWI pic.twitter.com/KKkjt4s4Kr

— ICC (@ICC) December 18, 2019

இந்தநிலையில் இன்றைய போட்டியில் மிகவும் பொறுப்பான ஆட்டத்தை வெளிப்படுத்திய ஷ்ரேயாஸ் ஐயரை ஐசிசி பாராட்டி இருக்கிறது. இதுகுறித்து ஐசிசி தன்னுடைய ட்விட்டர் பக்கத்தில்,'' 11 ஒருநாள் போட்டிகளில் விளையாடி இருக்கும் ஷ்ரேயாஸ் 6 அரைசதங்கள் ( 9, 88, 65, 18, 30, 71, 65, 70, 53) அடித்திருக்கிறார். இந்தியாவின் 4-வது பேட்டிங் பிரச்சினை தீர்ந்ததா?,'' என மறைமுகமாக கேள்வியெழுப்பி 4-வதாக இறங்கி பேட்டிங் செய்வதற்கு ஷ்ரேயாஸ் பொருத்தமானவர் என்பதை சுட்டிக்காட்டி இருக்கிறது.

இதனால் வரும் நாட்களில் 4-வதாக ஷ்ரேயாஸ் ஐயரை இந்திய அணி களமிறக்கலாம் என எதிர்பார்க்கப்படுகிறது.