“நான் ஒன்னு நெனச்சு வந்தேன்... ஆனா தோனி அப்டியே ஆப்போசிட்டா..” டு பிளிசிஸ் என்ன சொல்றாரு..!
முகப்பு > செய்திகள் > விளையாட்டுசிஎஸ்கே அணியில் இணைந்துபோது ஏற்பட்ட அனுபவம் குறித்து தென் ஆப்பிரிக்க வீரர் டு பிளசிஸ் பகிர்ந்துள்ளார்.
![Dhoni captaincy was complete opposite to what I thought: du Plessis Dhoni captaincy was complete opposite to what I thought: du Plessis](http://tamil.behindwoods.com/news-shots-tamil-news/images/sports/dhoni-captaincy-was-complete-opposite-to-what-i-thought-du-plessis.jpg)
ஐபிஎல் தொடர் வரும் மார்ச் 26-ம் தேதி முதல் மே 29-ஆம் தேதி நடைபெறுகிறது. மும்பை, புனே மற்றும் அகமதாபாத் ஆகிய 3 நகரங்களில் மட்டும் போட்டிகள் நடைபெறுவதாக பிசிசிஐ தெரிவித்துள்ளது. அதன்படி முதல் போட்டியில் நடப்பு சாம்பியன் சென்னை சூப்பர் கிங்ஸ் மற்றும் கொல்கத்தா நைட்ரைடர்ஸ் ஆகிய அணிகள் மோதுகின்றன.
இதனிடையே சில அணிகள் தங்களின் புதிய கேப்டன் மற்றும் புதிய ஜெர்ஸி போன்ற அறிவிப்புகளை வெளியிட்டு வருகின்றன. அந்த வகையில் ராயல் சேலஞ்சர்ஸ் பெங்களூர் அணியின் புதிய கேப்டன் மற்றும் ஜெர்ஸி பற்றிய அறிவிப்பு சமீபத்தில் வெளியானது. அதில் பெங்களூரு அணியை வழிநடத்தும் புதிய கேப்டனாக தென் ஆப்பிரிக்காவின் வீரர் டு ப்ளசிஸ் அறிவிக்கப்பட்டார். மேலும் புதிய ஜெர்சியும் வெளியிடப்பட்டது.
இதற்கு முன் ஐபிஎல் தொடரில் சென்னை சூப்பர் கிங்ஸ் அணியில் டு ப்ளசிஸ் விளையாடி வந்தார். அப்போது கேப்டன் தோனியிடம் கற்றது குறித்து அவர் பகிர்ந்துள்ளார். இதுகுறித்து பேசிய, ‘சென்னை அணியில் முதல் முறையாக எனது பயணத்தை தொடங்கிய போது கேப்டன்ஷிப் எப்படி இருக்கும் என்ற எண்ணம் எனக்குத் தோன்றியது. அப்போது ஒரு கேப்டனாக எப்படி இருக்க வேண்டும் என நான் நினைத்தேனோ, அதற்கு அப்படியே நேர்மாறாக தோனி இருந்தார். ஏனென்றால் தென் ஆப்பிரிக்க கலாச்சாரத்தை சேர்ந்த நான் முதல் முறையாக இந்திய சூழ்நிலையில் நுழையும்போது, நான் நினைத்ததற்கு அப்படியே நேர்மாறாக இவர் உள்ளாரே என எனக்கு தோன்றியது.
பொதுவாக கேப்டன்ஷிப் செய்வதில் நிறைய ஸ்டைல்கள் உள்ளது. ஆனால் எப்போதுமே நாம் நமக்கென்று ஒரு ஸ்டைலில் அணியை வழிநடத்த வேண்டும். அதுதான் கடினமான சூழ்நிலையில் நாம் எப்படி நடந்து கொள்ள வேண்டும் என்பதை கற்றுக்கொடுக்கும். அதனால் நான் விராட் கோலியாக இருக்க விரும்ப மாட்டேன். ஏனென்றால் நான் விராட்கோலி கிடையாது. அதேபோல் நான் தோனி போலவும் அணியை வழிநடத்த மாட்டேன். ஆனால் சிஎஸ்கே அணியில் விளையாடிய போது, நான் நிறைய விஷயங்களை கற்றுக்கொண்டு அனுபவம் பெற்றுள்ளேன். அந்த பயணத்தை நினைத்து மிகவும் பெருமைப்படுகிறேன்’ என டு பிளசிஸ் கூறியுள்ளார்.
![](https://www.behindwoods.com/images/spacer.gif)
மற்ற செய்திகள்
![](https://www.behindwoods.com/images/spacer.gif)