‘வெறித்தனமான கொண்டாட்டம் ஆரம்பம்..!’ - சிங்கப்பெண்களுடன் தளபதி விஜய்!

ஏஜிஎஸ் எண்டர்டெய்ன்மென்ட் நிறுவனத்தின் பிரம்மாண்ட பொருட் செலவில் அட்லி இயக்கியுள்ள ‘பிகில்’ படத்தில் விஜய்க்கு ஜோடியாக நயன்தாரா நடித்துள்ளார். மேலும், கதிர், யோகிபாபு, விவேக், ரெபா மோனிகா, இந்துஜா, டேனியல் பாலாஜி, ஆனந்தராஜ், சவுந்தரராஜா உள்ளிட்டோர் நடிக்கின்றனர். ஏ.ஆர்.ரகுமான் இசையமைக்கும் இப்படத்திற்கு ஜி.கே.விஷ்ணு ஒளிப்பதிவு செய்துள்ளார்.

சமீபத்தில் நடைபெற்ற பிரம்மாண்ட இசை வெளியீட்டு விழவை தொடர்ந்து கடந்த சில நாட்களுக்கு முன் வெளியான இப்படத்தின் டிரைலர் யூடியூபில் 2 மில்லியன் லைக்ஸ்களை பெற்றது. முதன்முதலாக ‘பிகில்’ திரைப்படத்தில் நடிகர் விஜய் அப்பா-மகன் என இரட்டை வேடங்களில் நடித்துள்ள இப்படத்தின் சென்சார் பணிகள் நிறைவடைந்து ‘யு/ஏ’ சான்றிதழ் கிடைத்துள்ளது.

இந்நிலையில், இப்படம் தீபாவளி பண்டிகையை முன்னிட்டு வரும் அக்.25ம் தேதி ரிலீசாகவுள்ளதாக அறிவிக்கப்பட்டுள்ளது. இதனிடையே, இப்படத்தில் ஃபுட்பால் டீமின் சிங்கப்பெண்களுடன் நடிகர் விஜய் இருக்கும் புதிய போஸ்டர் ஒன்றை தனது ட்விட்டர் பக்கத்தில் பகிர்ந்துள்ள தயாரிப்பாளர் அர்ச்சனா கல்பாத்தி, வெறித்தனமான கொண்டாட்டம் தொடங்கட்டும் என ட்வீட் செய்துள்ளார்.

Can not wait for all of u to watch it. Our #Thalapathy with our #Singappenngal One week to go #BigilDeepavali #PodraVediya Let the verithanmana celebrations begin 🔥🔥🔥 #Bigil @Ags_production @actorvijay @Atlee_dir @arrahman #Nayanthara pic.twitter.com/IptNSYtz4m

— Archana Kalpathi (@archanakalpathi) October 17, 2019