சிவகார்த்திகேயன் மற்றும் நயன்தாரா ஜோடி சேர்ந்து நடித்துள்ள Mr.லோக்கல் திரைப்படத்தில் இடம்பெற்றுள்ள ‘டக்குனு டக்குனு’ பாடலின் வீடியோ வெளியாகியுள்ளது.
‘சிவா மனசுல சக்தி’, ‘பாஸ் என்கிற பாச்கரன்’, ‘ஒரு கல் ஒரு கண்ணாடி’ திரைப்படங்களை இயக்கிய எம்.ராஜேஷ் இயக்கத்தில் உருவாகியுள்ள ‘Mr.லோக்கல்’ திரைப்படத்தில் யோகி பாபு, சதீஷ், ரோபோ ஷங்கர் உள்ளிட்ட பலர் நடித்துள்ளனர்.
ஹிப்ஹாப் தமிழா ஆதி இசையமைத்துள்ள இப்படத்திற்கு தினேஷ் கிருஷ்ணன் ஒளிப்பதிவு செய்துள்ளார். இப்படத்தின் டீசர், டிரைலர் சமீபத்தில் வெளியாகி ரசிகர்கள் மத்தியில் நல்ல வரவேற்பை பெற்றது.
ஹிப்ஹாப் தமிழா இசையில் இப்படத்தின் ‘டக்குனு டக்குனு’ பாடலின் வீடியோ மற்றும் Mr.லோக்கல் படத்தின் தீம் லிரிக் வீடியோவும் வெளியாகியுள்ளது. மிர்ச்சி விஜய் எழுதியுள்ள இப்பாடலை அனிருத், நகுல், கேசவ் ஆகியோர் பாடியுள்ளனர்.
ஸ்டூடியோ க்ரீன் புரொடக்ஷன்ஸ் நிறுவனம் தயாரிப்பில் காமெடி கலந்த குடும்ப திரைப்படமாக உருவாகியுள்ள இப்படம் வரும் மே.17ம் தேதி உலகம் முழுவதும் வெளியாகிறது.
MR.லோக்கல் வந்தாச்சு.. - தாறுமாறு லோக்கலாக பட்டையை கிளப்பும் சிவகார்த்திகேயன் வீடியோ
