மத்திய அரசின் பெருமைமிகு தேசிய விருதை பெற்ற நடிகை ஸ்ருதிஹாசன்.. முழு விவரம்!

PS2: 'பொன்னியின் செல்வன் - 2' படத்தின் டிரெய்லர் ரிலீஸ் எப்போ? FANS எதிர்பார்த்த முக்கிய அப்டேட்!

பலதுறைக் கலைஞரான ஸ்ருதி ஹாசன் எப்போதும் ஒரு கலைஞராக தனது ரசிகர்களை கவர்ந்து வருபவர். பல ஆண்டுகளாக சினிமா துறையில் அவரது குறிப்பிடத்தக்க நடிப்பு & அவரது இசைக்காக, ஸ்ருதிஹாசன் பெரும் ரசிகர்களைப் பெற்றுள்ளார்.

ஜனவரி 17 ஆம் தேதி டெல்லியில் உள்ள விஞ்ஞான் பவனில் ஸ்ருதிஹாசனுக்கு பவர் காரிடார்ஸ் (பிசி) இந்திய சாதனையாளர் விருது வழங்கப்பட்டது. தற்போது விளையாட்டு, இளைஞர் விவகாரங்கள் மற்றும் தகவல் மற்றும் ஒளிபரப்புத் துறை அமைச்சராக இருக்கும் அனுராக் தாக்கூரிடம் இருந்து ஸ்ருதிஹாசன் இந்த விருதை பெற்றார். இந்திய சாதனையாளர் விருது என்பது பல்வேறு களங்களில் இருந்து இந்திய தேசத்திற்கு சேவை செய்ய முன்வந்த குடிமக்களின் முயற்சிகள் மற்றும் அர்ப்பணிப்பை அங்கீகரித்து வழங்கப்படும் மதிப்புமிக்க இந்திய தேசிய விருது ஆகும்.

“ஸ்ருதிஹாசன் பொழுதுபோக்கு துறையில் 15 வருடங்களை வெற்றிகரமாக முடித்துள்ளார். ஒரு நடிகை & பாடகி என்பதைத் தவிர, ஸ்ருதியின் சமூக பணி மற்றும் அதன் மீதான அவரது ஆர்வமும் அவரை இந்த விருதுக்கு சிறந்த தேர்வாக மாற்றியது.

உதாரணமாக, ஸ்ருதிஹாசன் WWF (வேர்ல்ட் வைட் ஃபண்ட் ஃபார் நேச்சர்) அமைப்பில் இந்தியாவின் விளம்பர தூதராக உள்ளார் மற்றும் பல்வேறு சந்தர்ப்பங்களில் இந்த அமைப்பின் கொள்கையை ஆதரித்து வருகிறார். ஸ்ருதிஹாசன் மன ஆரோக்கியத்தை வலியுறுத்தும் பெருமைமிக்க தூதராகவும் உள்ளார், மேலும் தனிநபர்களாகவும் சமூகமாகவும் இந்த மனப் பிரச்சினைகளை ஏற்றுக்கொள்வதையும் விழிப்புணர்வு ஏற்படுத்துவதையும்  ஊக்குவிக்கிறார்.  மேலும் இந்த விவகாரம் தொடர்பாக  நிபுணர்களுடன் நேர்காணல்களையும் ஸ்ருதிஹாசன் நடத்தினார். இது தவிர, பெண்களின் மாதவிடாய் ஆரோக்கியம் பற்றிய விழிப்புணர்வையும் ஸ்ருதிஹாசன் ஏற்படுத்தி வருகிறார், இது ஒரு சிலரால் மட்டுமே பேசப்படுகிறது".

இந்த விருது பெற்றது பற்றி ஸ்ருதிஹாசன் கூறுகையில், "முன்பு விருது பெற்றவர்கள் முன்னிலையில் இந்த விருதைப் பெற்றதில் நான் மிகவும் மகிழ்ச்சியடைகிறேன், அதற்காக நான் நடுவர் மன்றத்திற்கு நன்றி தெரிவிக்க விரும்புகிறேன். கலைப் பணிக்காக பாராட்டப்படுவது எப்போதுமே பணிவானது. முக்கியமான விஷயங்களுக்கு எனது தளத்தைப் பயன்படுத்துவதற்கான வாய்ப்பைப் பெற்றதற்கு நான் நன்றியுள்ளவளாக இருக்கிறேன்." என‌ ஸ்ருதிஹாசன் கூறினார்.

ஸ்ருதிஹாசன் நடிப்பில் தற்போது 'சலார்' மற்றும் அவரது சர்வதேச படமான 'தி ஐ' திரைப்படங்கள் உருவாகி வருகின்றன.

Also Read | கமல் நடிப்பில் ஷங்கர் இயக்கும் இந்தியன்- 2.. படத்தின் தாறுமாறான அடுத்த அப்டேட்!