Breaking: பிகிலில் தளபதி விஜய் - நயன்தாரா நடிக்கும் காட்சிகள் குறித்த அப்டேட் இதோ

இப்படத்தில் விஜய்க்கு ஜோடியாக நயன்தாரா நடித்துள்ளார். மேலும், கதிர், யோகிபாபு, விவேக், ரெபா மோனிகா, இந்துஜா, டேனியல் பாலாஜி, ஆனந்தராஜ் உள்ளிட்டோர் நடிக்கின்றனர். ஏ.ஆர்.ரகுமான் இசையமைக்கும் இப்படத்திற்கு ஜி.கே.விஷ்ணு ஒளிப்பதிவு செய்துள்ளார்.

மகளிர் கால்பந்து விளையாட்டை மையமாகக் கொண்டு உருவாகி வரும் இப்படத்தின் இறுதிக்கட்ட ஷூட்டிங் பணிகள் விறுவிறுப்பாக நடைபெற்று வருகிறது. இப்படத்தின் முதல் சிங்கிள் டிராக் பாடலான ‘சிங்கப்பெண்ணே’ பாடலுக்கு நடிகர் விஜய்யுடன் இணைந்து இசை புயல் ஏ.ஆர்.ரகுமான் தோன்றவிருப்பதாக நமக்கு தகவல்கள் கிடைத்துள்ளன.

இந்நிலையில் இந்த படத்தில் விஜய் மற்றும் நயன்தாரா இணைந்து நடிக்கும் காட்சிகள் தற்போது எஸ்எஸ்என் என்கிற தனியார் கல்லூரி ஒன்றில் நடைபெற்று வருவதாக எங்களுக்கு கிடைத்த தகவல்கள் கூறுகின்றன. குறித்த நேரத்தில் இந்த படத்தை முடிக்க படக்குழு இரவு பகலாக வேலை செய்து வருகின்றனராம்.