ஜெயிலர் ஷூட்டிங்கில் குடும்பத்துடன் ரஜினிகாந்தை சந்தித்த ROBO ஷங்கர்! பிண்ணனி தகவல்

Also Read | துணிவு படத்தின் மூன்றாவது போஸ்டர்.. வைரலாகும் அஜித்தின் ஸ்டைலான தெறி லுக்!

'அண்ணாத்த' படத்தின் வெற்றியை தொடர்ந்து சூப்பர் ஸ்டார் ரஜினிகாந்த், தனது அடுத்த 169வது படத்தில் கோலமாவு கோகிலா, டாக்டர், பீஸ்ட் படங்களின் இயக்குனர் நெல்சனுடன் பணிபுரிகிறார். இந்த படத்தையும் சன்பிக்சர்ஸ் நிறுவனம்  தயாரிக்கிறது.

இப்படத்துக்கு 'ஜெயிலர்' என பெயர் வைக்கப்பட்டுள்ளது.  இப்படத்தின் படப்பிடிப்பு ஆகஸ்ட் முதல் சென்னையில் துவங்கியது. சென்னை ஆதித்ய ராம் ஸ்டூடியோ, மகாபலிபுரத்தில் நடந்த முதல் கட்ட படப்பிடிப்பு நிறைவடைந்து.

இந்த படத்தின் இரண்டாம் கட்ட படப்பிடிப்பு கடலூர் மாவட்டத்தில் உள்ள அழகிய நத்தம் கிராமத்தில் தென்பெண்ணை ஆற்றின் கரையில் சில நாட்களுக்கு முன் நடைபெற்றது.

இப்படத்தில் கன்னட சூப்பர் ஸ்டார் சிவ ராஜ்குமார், நடிகை ரம்யா கிருஷ்ணன், வசந்த் ரவி, யோகி பாபு, விநாயகன் ஆகியோர் முக்கிய வேடத்தில் நடிக்கின்றனர். இப்படத்துக்கு அனிருத் இசையமைக்கிறார். விஜய் கார்த்திக் கண்ணன் ஒளிப்பதிவு செய்கிறார். பிரபல சண்டைப் பயிற்சி இயக்குனர் ஸ்டன் சிவா  ஜெயிலர் படத்தில் சண்டைக்காட்சி இயக்குனராக பணிபுரிகிறார். மேலும் பல்லவி சிங் ஜெயிலர் இந்த படத்தில் ஸ்டைலிஸ்ட் & ஆடை வடிவமைப்பாளராக பணிபுரிகிறார்.

ஜெயிலர் படத்தின் டைட்டில் லுக் & ஃபர்ஸ்ட் லுக் போஸ்டர்கள் ஏற்கனவே வெளியாகி உள்ளது.   இந்த படத்தின் உருவாக்க கிளிம்ப்ஸ் வீடியோ சமீபத்தில் வெளியாகி ரசிகர்கள் மத்தியில் பெரும் வரவேற்பை பெற்றது. இந்த படத்தின் நான்காம் கட்ட படப்பிடிப்பு தற்போது கோகுலம் ஸ்டூடியோஸில் நடைபெற்று வருகிறது.

இந்த படப்பிடிப்பில் நடிகர் ரோபோ ஷங்கர், தனது 22வது திருமண நாளை முன்னிட்டு    தனது குடும்பத்துடன் சூப்பர் ஸ்டார் ரஜினிகாந்தை நேற்றிரவு சந்தித்துள்ளார். இது தொடர்பான புகைப்படங்கள் வெளியாகி ரசிகர்கள் மத்தியில் வைரலாகி வருகின்றன.

ஜெயிலர் படத்திற்கு பிறகு சூப்பர் ஸ்டார் ரஜினிகாந்த் அடுத்து நடிக்கும் இரண்டு புதிய படங்களின் தகவல் அதிகாரப்பூர்வமாக சில நாட்களுக்கு முன் வெளியாகி உள்ளது. லைகா தயாரிப்பில் 2 படங்கள் நடிக்க ஒப்பந்தம் செய்யப் பட்டுள்ளார். அதில் ஒரு படமாக ஐஸ்வர்யா ரஜினிகாந்த் இயக்கத்தில், சூப்பர் ஸ்டார் ரஜினிகாந்த் கௌரவ வேடத்தில் நடிக்கும் லால் சலாம் படத்தின் பூஜை சமீபத்தில் நடந்தது. இதில் ரஜினிகாந்த் கலந்து கொண்டார்.

Also Read | ‘வதந்தி’ வெப் சீரிஸ்.. உலகமெங்கும் உள்ள 100 இசைக் கலைஞர்கள், பாடகர்கள் கொண்டு இசை.!