கடைசியாக ரஜினிக்கு SPB பாடிய அண்ணாத்த படத்தின் முதல் பாடல் எப்போ ரிலீஸ்?

ரஜினி படங்களின் துவக்க பாடல்களை பாலசுப்ரமணியம் பாடுவதை ரசிகர்கள் எப்போதும் எதிர்பார்த்திருப்பர். கடந்த ஆண்டு செப்டம்பர் 25 அன்று கொரோனா, நுரையீரல் செயலிழப்பு காரணமாக மரணமடைந்தார். இறப்பதற்கு சில நாட்கள் முன் அண்ணாத்த படத்திற்காக, இமான் இசையில் ரஜினியின் துவக்க பாடலை பாடி கொடுத்துள்ளார் பாடகர் பாலசுப்ரமணியம்.

இந்நிலையில் இந்த பாடல் வெளியாகும் நாள் பற்றிய தகவல் கிடைத்துள்ளது. அதன்படி பாடகர் பாலசுப்ரமணியத்தின் முதலாமாண்டு நினைவு நாள் வரும் செப்டம்பர் 25ஆம் நாள் அனுஷ்டிக்கப்பட இருக்கிறது. அந்நாளில் அண்ணாத்த படத்தின் முதல் சிங்கிள் வெளியாகும் என எதிர்பார்க்கப்படுகிறது.

தற்போது இந்த படத்தின் Post Production வேலைகள் மும்முரமாக நடந்து வருகின்றன. இந்த படம் தீபாவளிக்கு திரைக்கு வருவதாக ஏற்கனவே தயாரிப்பு நிறுவனம் அறிவித்துள்ளது. விநாயகர் சதூர்த்தியை முன்னிட்டு ரஜினிகாந்தநடிக்கும் அண்ணாத்த படத்தின் முதல் லுக் போஸ்டர், மோஷன் போஸ்டர் வெளியாகி நல்ல வரவேற்பை பெற்றது. 

சூப்பர்ஸ்டார் ரஜினிகாந்த் நடிப்பில் "அண்ணாத்த" படத்தை சன்பிக்சர்ஸ் நிறுவனம் தயாரிக்கிறது. ரஜினிகாந்துடன் மீனா, குஷ்பு, நயன்தாரா, கீர்த்தி சுரேஷ், சூரி, சதீஷ் நடிக்கின்றனர். இந்த படத்தில் இயக்குனராக விஸ்வாசம், வேதாளம், வீரம், விவேகம், சிறுத்தை பட இயக்குனர் சிவாவும், ஒளிப்பதிவாளராக வெற்றியும், கலை இயக்குனராக மிலனும், இசையமைப்பாளராக இமானும், எடிட்டராக ரூபனும் பணிபுரிகின்றனர்.