பிரபல தமிழ் திரைப்படத் தயாரிப்பாளர் கொரோனாவால் மரணம் ! அதிர்ச்சியில் திரையுலகம் !

திரையுலக பிரபலங்களும் கொரோனாவினால் பெரிதும் பாதித்து வருகின்றனர். அதன் ஒரு பகுதியாக லக்ஷ்மி மூவி மேக்கர்ஸ் தயாரிப்பாளர்களில் ஒருவரான வி.சாமிநாதன் கொரோனா பாதிப்பினால் மருத்துவமனையில் அனுமதிக்கப்பட்டிருந்தார். இந்நிலையில் சிகிச்சை பலனின்றி இன்று ( 10 - 08 -2020 ) உயிரிழந்தார்.

லக்ஷ்மி மூவி மேக்கர்ஸ் சார்பாக, 'உன்னிடத்தில் என்னைக் கொடுத்தேன்', 'உன்னைத் தேடி', 'பகவதி', 'புதுப்பேட்டை', 'அன்பே சிவம்' போன்ற புகழ்பெற்ற படங்கள் தயாரிக்கப்பட்டுள்ளன என்பது குறிப்பிடத்தக்கது. தயாரிப்பாளர் வி.சுவாமிநாதனின் மகன் அஷ்வின் பாஸ் என்கிற பாஸ்கரன், கும்கி உள்ளிட்ட படங்களில் நடித்துள்ளார்.

தயாரிப்பாளர் வி.சுவாமிநாதனின் மறைவுச் செய்தி திரையுலகினரிடையே மிகவும் அதிர்ச்சியை ஏற்படுத்தியுள்ளது. இதனையடுத்து திரையுலக பிரபலங்கள் பலரும் அவருக்கு சமூக வலைதளங்கள் வாயிலாக இரங்கல் தெரிவித்து வருகின்றனர்.