மொரட்டு சிங்கில்ஸ் மன்னிச்சிக்கங்க ப்ளீஸ்! சாந்தனுவின் லேட்டஸ்ட் கோரிக்கை!

அனைத்து இயக்கங்களும் மந்தமாக இருக்க சோஷியல் மீடியா எப்போதும் போல் பரபரப்பாகவே இயங்கி வருகிறது. திரைத்துறை பாதிக்கப்பட்டிருந்தாலும், நடிகர்கள் இயக்குநர்கள் தங்களுடைய அடுத்த கட்ட வேலையை ப்ளான் செய்தபடி இருக்கின்றனர். தங்களுடைய ரசிகர்களை டிவிட்டர் மற்றும் இன்ஸ்டாகிராமில் சந்தித்து பேசி வருகின்றனர்.

எப்போதும் ட்விட்டரில் பரபரப்பாக இயங்கி வருபவர் சாந்தனுவும் அவரது மனைவி கிகி விஜய்யும்.   இந்த லாக்டவுன் காலகட்டத்தில் நடக்கும் நிகழ்வுகளை கூர்மையாக கவனித்து அதில் தன்னுடைய கருத்துக்களை பதிவிட்டு வருகிறார் சாந்தனு. அவ்வப்போது ஜாலி போஸ்டுகளையும் போட்டும் கலக்குவார்.  ட்ராபிக் போலீஸ்காரர்  ரஷீத் பற்றிய பதிவாக இருந்தாலும் சரி, வாத்தி ஸ்டெப்பாக இருந்தாலும் சரி சாந்தனுவின் ரசிகர்கள் அவருடைய ட்வீட்டுக்களை லைக்குகளால் பாராட்டிக் குவித்து வருகிறார்கள்.

இந்நிலையில் தற்போது சாந்தனு அவருடைய மனைவி கிகி விஜய்யை  வீடியோ எடுத்து, அதை எடிட் செய்து, 'லைட்டா ஃபீல் பண்ணிட்டேன், முரட்டு சிங்கிள்ஸ் மன்னிக்கவும் என்ற தலைப்புடன் வெளியிட்டுள்ளார்.

அந்த வீடியோவில் கிகி விஜய்யை ரசனையுடன் நேர்த்தியாக படம் பிடித்துள்ளார் சாந்தனு என்பது குறிப்பிடத்தக்கது.

Lighta feel panniten 🤪🤪 morattu singles mannikkavum 🙏🏻😂#QuarantineParithabangal https://t.co/1RlUvBuV0A

— Shanthnu 🌟 ஷாந்தனு Buddy (@imKBRshanthnu) May 8, 2020