"என்னைக்காச்சும் ஒருநாள்.." .. 'கலகத்தலைவன்' வரவேற்பு குறித்து BIGGBOSS ஆரவ் உருக்கம்.

Also Read | "13 வருடத்தில் எனக்கு இது First Time".. 'துணிவு' டப்பிங்கில் இருந்து 'சார்பட்டா' நடிகரின் வைரல் பதிவு!

இப்படம் உலகமெங்கும் நவம்பர் 18 ஆம் தேதி முதல் வெளியாகி உள்ளது. இந்த படத்தில் உதயநிதி ஸ்டாலினுக்கு ஜோடியாக நிதி அகர்வால் நடித்துள்ளார். மெட்ராஸ் பட புகழ் கலையரசனும் இந்த படத்தில் முக்கிய வேடத்தில் நடித்துள்ளார். இவர்கள் போக, நடிகர் பிக்பாஸ் ஆரவ் வில்லனாக முக்கிய வேடத்தில் நடித்துள்ளார். இந்த படத்திற்கு அரோல் கொரேலி & ஸ்ரீகாந்த் தேவா இணைந்து இசையமைத்துள்ளார்கள்.

இந்நிலையில் இந்த படத்திற்கு கிடைத்துள்ள நல்ல வரவேற்பை அடுத்து நடிகர் ஆரவ் ஒரு நெகிழ்ச்சியான அறிக்கையை வெளியிட்டுள்ளார்.

அந்த அறிக்கையில், " கனவுகள் நனவாகும்!!!ஒரு நம்பிக்கையான நடிகராக, வெள்ளித்திரையை நான் கனவுலகின் இலக்காகக் கருதினேன். என்றாவது ஒரு நாள் சினிமா அரங்குகளில் அனைவராலும் பாராட்டப்படும் ஒரு பாத்திரம் கிடைக்கும் என்று ஆசைப்பட்டேன். இடைவிடாத முயற்சிகள், கனவுகள் மற்றும் ஏமாற்றங்களின் பாதைகளில் என்னை அழைத்துச் சென்ற கனவுகளுடன் பயணம் தொடங்கியது. உறுதியான 'நம்பிக்கை' என்னைத் முன்னே தள்ளிக்கொண்டே இருந்தது. எல்லாவற்றிற்கும் மேலாக, என்னுடைய ஒவ்வொரு சிறிய முயற்சிக்கும் பத்திரிக்கை, ஊடகங்கள், நண்பர்கள், குடும்பத்தினர் மற்றும் ரசிகர்களின் பாராட்டுக்கள் ஆற்றலையும் உற்சாகத்தையும் கொடுத்தன. இப்போது, ​​'கலகத்தலைவன்' படத்தில் நான் நடித்த 'அர்ஜுன்' கேரக்டருக்கு கிடைத்த வரவேற்பால் திக்குமுக்காடுகிறேன்.

இந்த நல்ல வாய்ப்பை தந்த உதயநிதி ஸ்டாலினுக்கு நன்றி. இது ஒரு அரிய நிகழ்வு, ஒரு முன்னணி ஹீரோ ஒரு சக நடிகருக்கு இவ்வளவு திரை இடத்தை (ஸ்கிரீன் ஸ்பேஸ்) வழங்குவது. அவருடன் இணைந்து இந்த படத்தில் பணியாற்றியது ஒரு பாக்கியம். அவருக்கு நன்றி கூறுகிறேன்."

என்னை இந்த கதாபாத்திரத்திற்கு தேர்வு செய்ததற்காக இயக்குனர் மகிழ் திருமேனி சாருக்கு நன்றி. அவர் என் மீது வைத்திருந்த நம்பிக்கை மகத்தானது, என் மீது அவர் வைத்திருந்த நம்பிக்கைக்கு நான் மிகவும் கடமைப்பட்டிருக்கிறேன். எனக்கு உறுதுணையாக இருந்த கலகத்தலைவன் குழுவினருக்கு நன்றிகள். பத்திரிகை மற்றும் ஊடக நண்பர்கள் எப்போதும் எனது முதுகெலும்பாக இருந்து வருகின்றனர். என்னுடைய நடிப்புக்கு அவர்கள் தரும் பாராட்டு என்ற நேர்மறையான வார்த்தைகளைப்  பார்ப்பது ஒரு உணர்ச்சிகரமான மகிழ்ச்சி. திரைப்படம், பிக்பாஸ் நிகழ்ச்சி மற்றும் இப்போது எனது புதிய அவதாரமான 'அர்ஜுன்'. எனது சிறிய பாத்திரங்கள் மீது ரசிகர்கள் தங்கள் நிபந்தனையற்ற அன்பைப் பொழிவது ரசிகர்களை மகிழ்விக்க அதிக ஆற்றலையும் பொறுப்பையும் உருவாக்கியுள்ளன. எப்போதும் நன்றியுள்ளவனாக,ஆரவ்!!!" என அந்த அறிக்கையில் குறிப்பிட்டுள்ளார்.

Also Read | ரசிகர்கள் மத்தியில் வைரலாகும் மன்மதன் & லவ் டுடே 'மாமாக்குட்டி' Sync! ஹைலைட்டே அந்த BGM தான்