'வாங்க மோடி வணக்கங்க மோடி'... பிரதமரை வரவேற்று பாஜக வெளியிட்டுள்ள பாடல்!
முகப்பு > செய்திகள் > தமிழகம்கோவை வரும் பிரதமர் மோடியை வரவேற்று தமிழக பாஜகவினர் 'வாங்க மோடி வணக்கங்க மோடி' என்கிற பாடலை வெளியிட்டுள்ளனர்.
கோவை கொடிசியா அரங்கில் இன்று (பிப். 25) அரசு நிகழ்ச்சியிலும், கொடிசியா மைதானத்தில் பாஜக சார்பில் நடைபெறும் தேர்தல் பிரச்சாரப் பொதுக்கூட்டத்திலும் பிரதமர் மோடி கலந்துகொள்கிறார். இதையடுத்து, கோவை மாநகரம் முழுவதும் பலத்த பாதுகாப்பு ஏற்பாடுகள் செய்யப்பட்டுள்ளன.
இதனிடையே பிரதமர் மோடியை வரவேற்கும் விதமாக கொங்கு பாஷையில் தேசிய மகளிரணி தலைவர் வானதி சீனிவாசன் முயற்சியில் கலை இலக்கிய பிரிவின் உமேஷ்பாபு 'ஆர்கெஸ்ட்ரா' சண்முகம் இணைந்து பாடல் வரிகளைத் தயாரித்துள்ளனர். ''வாங்க மோடி வணக்கங்க மோடி.. கொங்கு மக்கள் வரவேற்போம் கோடி.. நீங்கத் தந்த திட்டங்கள் கோடி..’’ என்ற மூன்று நிமிட பாடலை தயாரித்துள்ளனர்.
இதில் 'வாங்க மோடி வணக்கங்க மோடி' என்ற முதல் வரியை எல்.முருகன், சி.டி.ரவி, சி.பி. ராதாகிருஷ்ணன், அண்ணாமலை, முருகானந்தம் உள்ளிட்டோர் பாடி உள்ளனர். சில வரிகளைப் பாடகர்களுடன் இணைந்து வானதியும் பாடியுள்ளார். இந்த பாடல் இன்று வெளியிடப்பட்டுள்ளது.
வாங்க மோடி ...
— BJP Tamilnadu (@BJP4TamilNadu) February 25, 2021
வணக்கங்க மோடி ...#TNWelcomesModi pic.twitter.com/D7fH4pmxzb
மற்ற செய்திகள்
