‘என்னா நடிப்பு.. மிரண்டு போய்ட்டேன்’!.. ‘வீடியோ காலில் பேச வைத்த நட்டு’.. யோகி பாபுவை புகழ்ந்து தள்ளிய ‘கிரிக்கெட்’ வீரர்கள்..!

நடிகர் யோகி பாபு நடித்த ‘மண்டேலா’ திரைப்படத்தை கிரிக்கெட் வீரர்கள் பாராட்டி ட்விட்டரில் பதிவிட்டது கவனம் பெற்று வருகிறது.

மடோன் அஸ்வின் இயக்கத்தில், யோகி பாபு-ஷீலா ராஜ்குமார் நடிப்பில் சமீபத்தில் வெளியான திரைப்படம் மண்டேலா. இத்திரைப்படம் மக்கள் மத்தியில் பெரும் வரவேற்பை பெற்று வருகிறது. மேலும் விமர்சன ரீதியாகவும், வியாபார ரீதியாகவும் நல்ல வரவேற்பை பெற்றுள்ளது. இந்தத் திரைப்படம் கடந்த 4-ம் தேதி தனியார் தொலைக்காட்சியான விஜய் டிவியில் வெளியானது. இதற்கு அடுத்த நாள் (ஏப்ரல் 5-ம் தேதி) ஓடிடி தளமான நெட்ஃபிளிக்ஸில் வெளியானது.

இந்த நிலையில் மண்டேலா திரைப்படம் குறித்து ஐபிஎல் தொடரில் சன்ரைசர்ஸ் ஹைதராபாத் அணியின் சார்பாக விளையாடும் வீரர் ஸ்ரீவத்ஸ் கோஸ்வாமி தனது ட்விட்டர் பக்கத்தில் பதிவிட்டுள்ளார். அதில், ‘கடந்த சில நாட்களுக்கு முன்னர் யோகி பாபு நடித்த மண்டேலா திரைப்படத்தை பார்த்தேன். படத்தில் நடித்த நடிகர்களின் நடிப்பைக் கண்டு மிரண்டு விட்டேன். குறிப்பாக யோகி பாபுவின் நடிப்பு, என்னா நடிகர்... என்னா கதை.. நண்பர் நடராஜன் மூலம் வீடியோ கால் வழியாக யோகி பாபுவிடம் பேசினேன்’ என ஸ்ரீவத்ஸ் கோஸ்வாமி பாராட்டி பதிவிட்டுள்ளார்.

Wow macha. Never expected this from you. I watched it last night and its a fantastic film. I am sure it will go on to win some big awards. @yogibabu_offl https://t.co/r3tZO1KBQc

— Abhinav mukund (@mukundabhinav) April 12, 2021

இதனை அடுத்து தமிழக கிரிக்கெட் வீரர் அபினவ் முகுந்தும் மண்டேலா திரைப்படத்தை பாராட்டியுள்ளார். இதுகுறித்து ட்விட்டரில் பதிவிட்ட அவர், ‘வாவ் மச்சான். இதை உன்னிடம் இருந்து நான் எதிர்பார்க்கவே இல்ல. இந்தப் படத்தை நேற்று இரவுதான் பார்த்தேன். உண்மையில் படம் பிரமாதம். நிச்சயமாக இந்தப்படம் நிறைய விருதுகளை வெல்லும்’ என அபினப் முகுந்த் பதிவிட்டுள்ளார். இவர்கள் இருவருக்கும் நடிகர் யோகி பாபு தனது ட்விட்டர் பக்கத்தில் நன்றி தெரிவித்துள்ளது குறிப்பிடத்தக்கது.