சரியான காட்டடி...! 'வெறும் 35 பந்துகளிலேயே...' - பிராக்டீஸ் மேட்ச்ல அடிச்சு தூள் கெளப்பிய வீரர்...!

2021ஆம் ஆண்டுக்கான ஐபிஎல் தொடங்கவுள்ள நிலையில் கொல்கத்தா மற்றும் ஹைதராபாத் அணிகளுக்கு இடையே பயிற்சி ஆட்டம் நடைபெற்றுள்ளது.

கொல்கத்தா நைட் ரைடர்ஸ் மற்றும் சன்ரைசர்ஸ் ஹைதராபாத்திற்கு எதிரான தொடக்க ஆட்டத்திற்கு முன்னதாக நேற்று நடைபெற்ற இந்த பயிற்சி ஆட்டத்தில் பல மிரளவைக்கும் அடிகளும், கேட்ச்களும் இருந்தன. ஷுப்மேன் கில் அற்புதமான ஒரு அடித்து தெறிக்கவிட்டார்.

கொல்கத்தா நைட் ரைடர்ஸ் அணியின் தொடக்க ஆட்டக்காரர் ஷுப்மேன் கில் வெறும் 35 பந்துகளில் 76 ரன்கள் எடுத்துக்கொடுத்தார். வெல்ல வெறும் 88 ரன்களைத் துரத்திய கில், அசால்ட்டாக வெற்றியை தன்பக்கம் இழுத்தார். மொத்தம் மூன்று சிக்ஸர்கள் மற்றும் 11 பவுண்டரிகள் அடித்து துவம்சம் செய்தார். இறுதியில்10 விக்கெட்டுகள் வித்தியாசத்தில் வெற்றி பெற்றது.

ஈயோன் மோர்கன் தலைமையிலான கொல்கத்தா நைட் ரைடர்ஸ் அணி ஏப்ரல் 11 ஆம் தேதி சென்னையில் உள்ள எம். ஏ. சிதம்பரம் ஸ்டேடியத்தில் தங்களின் முதல் ஆட்டத்தை ஆட உள்ளது. இரண்டு முறை ஐபிஎல் சாம்பியன்களான கொல்கத்தா அணி சென்னையில் முதல் மூன்று போட்டிகளிலும், மும்பையில் இரண்டு, அகமதாபாத்தில் நான்கு மற்றும் பெங்களூரில் இறுதி ஐந்து போட்டிகளிலும் விளையாட இருக்கிறது.