VIDEO: ‘பறந்து வந்து தாக்கிய பந்து’.. மைதானத்திலேயே சுருண்டு விழுந்த அம்பயர்.. அதிர்ச்சி வீடியோ..!

ரஞ்சி கிரிக்கெட் போட்டியின்போது பந்து அம்பயரின் அடிவயிற்றில் தாக்கிய வீடியோ இணையத்தில் வைரலாகி வருகிறது.

பெங்கால் மற்றும் சௌவுராஷ்டிரா அணிகளுக்கு இடையேயான ரஞ்சிக் கோப்பை இறுதிப்போட்டியின் முதல் இன்னிங்ஸ் ராஜ்கோட் மைதானத்தில் நடைபெற்றது. இதில் டாஸ் வென்ற சௌராஷ்டிரா அணி முதலில் பேட்டிங்கை தேர்வு செய்து விளையாடியது. அதிகபட்சமாக ஆர்பிட் வசவாடா 106 ரன்கள் எடுத்தார். அவி பரொட் (54), விஷ்வரஜ் ஜடேஜா (54) மற்றும் புஜாரா (66) அரைசதமடித்தனர். இதனை அடுத்து 425 ரன்களுக்கு சௌராஷ்டிரா அணி அனைத்து விக்கெட்டுகளையும் இழந்தது.

இப்போட்டியில் மைதானத்தில் நின்றுகொண்டிருந்த அம்பயர் சம்சுதீனின் அடிவயிற்றுக்கு கீழே வீரர்கள் எறிந்த பலமாக விழுந்தது. இதனால் அவர் மைதானத்திலேயே சுருண்டு விழுந்தார். பின்னர் அவர் களத்தில் இருந்து வெளியேற அவருக்கு பதிலாக யஸ்வந்த் பார்டே மாற்று அம்பயராக நியமிக்கப்பட்டார். இதனால் போட்டி சிறிது நேரம் தாமதமாக தொடரப்பட்டது.