'ஐபிஎல்-க்காக டெஸ்ட் அட்டவணையில் சமரசம்'!?.. காய் நகர்த்திய பிசிசிஐ!.. தர்ம சங்கடத்தில் இங்கிலாந்து கிரிக்கெட் வாரியம்!

முகப்பு > செய்திகள் > விளையாட்டு

By Manishankar | May 21, 2021 05:00 PM

ஐபிஎல் போட்டிகளை நடத்த டெஸ்ட் தொடரின் போட்டி அட்டவணை மாற்றப்படுமா என்ற கருத்துக்கு இங்கிலாந்து கிரிக்கெட் வாரியம் பதில் அளித்துள்ளது.

ipl 2021 test bcci england ecb not change schedule

இந்தியா - நியூசிலாந்து அணிகள் இடையேயான உலக டெஸ்ட் சாம்பியன்ஷிப் இறுதிப் போட்டி வரும் ஜூன் 18 முதல் 22 வரை இங்கிலாந்தின் சவுத்தாம்ப்டனில் நடைபெறுகிறது. இதற்கான விராட் கோலி தலைமையிலான இந்திய கிரிக்கெட் அணி, ஜூன் 2ம் தேதி இங்கிலாந்து கிளம்புகிறது.

அதைத் தொடர்ந்து, அங்கேயே இங்கிலாந்துக்கு எதிராக 5 போட்டிகள் கொண்ட டெஸ்ட் தொடரில் இந்தியா பங்கேற்கிறது. இதில், இங்கிலாந்து தொடரின் அட்டவணையை மாற்ற பிசிசிஐ கோரிக்கை வைத்ததாக தகவல்கள் வெளிவந்தன. 

இங்கிலாந்து உடனான 5 டெஸ்ட் போட்டிகள் கொண்ட தொடர் ஆகஸ்ட் 4ம் தேதி தொடங்கி, செப்டம்பர் 14ம் தேதி முடிவடைகிறது. நாட்டிங்காம், லார்ட்ஸ், லீட்ஸ், ஓவல் மற்றும் ஓல்ட் ட்ராஃபோர்டு ஆகிய ஸ்டேடியங்களில் போட்டிகள் நடைபெற உள்ளது. இதில், பிசிசிஐ முன்வைத்ததாக கூறப்படும் கோரிக்கை என்னவெனில், ஓல்ட் ட்ராஃபோர்டில் செப்டம்பர் 10ம் தேதி தொடங்கும் கடைசி டெஸ்ட் போட்டி தேதியை மாற்றி, சற்று முன்னதாகவே அதாவது ஜுலை மாதமே நடத்தலாம்.

இதன் மூலம், செப்டம்பர் மாதம் மீதமுள்ள ஐபிஎல் போட்டிகளை அங்கு நடத்த முடியும் என்று கோரிக்கை வைக்கப்பட்டது. ஆனால், அதற்கு இங்கிலாந்து கிரிக்கெட் வாரியம் மறுப்பு தெரிவித்துவிட்டது. 

இதுகுறித்து, இங்கிலாந்து வாரியத்தின் செய்தித் தொடர்பாளர் கூறுகையில், கொரோனாவின் சவால்களை நாங்கள் எதிர்கொள்வதால், பிசிசிஐ உடன் தொடர்ந்து பேசி வருகிறோம். ஆனால், தேதிகளை மாற்றுவதற்கான கோரிக்கை எதுவும் வரவில்லை. ஐந்து டெஸ்ட் போட்டிகளுக்கான அட்டவணையில் எந்த மாற்றமும் இருக்காது என்றார். 

அதேசமயம், இங்கிலாந்து ஊடகங்கள், பிசிசிஐ தேதி மாற்றுவதற்கான கோரிக்கையை முன்வைத்தது என்று செய்தி வெளியிட்டு வருகின்றன. இதுகுறித்து டைம்ஸ் லண்டன் பத்திரிகையில் வெளியான செய்தியில், ஐபிஎல் போட்டிகளை நடத்துவதற்காக, டெஸ்ட் தொடர் அட்டவணையை மாற்றுவது குறித்து இரு வாரியங்களின் அதிகாரிகளும் தொடர்ந்து பேச்சுவார்த்தை நடத்தினர்.

பிசிசிஐ-யின் இந்த வேண்டுகோள் இங்கிலாந்து வாரியத்துக்கு மிகுந்த தர்ம சங்கடத்தை ஏற்படுத்தி இருக்கிறது. ஆனால், கடைசி டெஸ்ட் போட்டிக்கான முதல் மூன்று நாள் டிக்கெட்டுகள் ஏற்கனவே விற்கப்பட்டுவிட்டதாகவும், இனி அதில் மாற்றம் செய்வது பெரும் தலைவலியாக இருக்கும் என்றும் செய்தி குறிப்பிடப்பட்டுள்ளது.

எனினும், இங்கிலாந்து வாரிய செய்தித் தொடர்பாளர் மறுப்பு பதில், அனைத்து யூகத்துக்கும் முற்றுப்புள்ளி வைத்துவிட்டது. இங்கிலாந்தில் ஐபிஎல் நடத்தும் வாய்ப்பும் ஏறக்குறைய முடிவுக்கு கொண்டு வந்துவிட்டது.

 

மற்ற செய்திகள்

தொடர்புடைய செய்திகள்

ABOUT THIS PAGE

This page contains news relating to various facts and events. The views are generally about current affiars and general topics in diversified areas such as political, international, national, and regional issues, sports, health, travel, lifestyle, technology and business. People having similar interets on the above topics will find this page useful. Ipl 2021 test bcci england ecb not change schedule | Sports News.