VIDEO: ‘ரூல்ஸ்படி நீங்க அப்படி பண்ணுனது தப்பு’!.. சட்டென பவுலிங்கை நிறுத்தி ‘வார்னிங்’ கொடுத்த அம்பயர்..!

முகப்பு > செய்திகள் > விளையாட்டு

By Selvakumar | Apr 28, 2021 11:40 AM

பெங்களூரு அணிக்கு எதிரான போட்டியின் போது டெல்லி அணியின் பந்துவீச்சாளர் அமித் மிஸ்ராவுக்கு அம்பயர் வார்னிங் கொடுத்தனர்.

Amit Mishra gets warning from Umpire for applying saliva on the ball

அகமதாபாத் மைதானத்தில் நேற்று நடந்த 22-வது லீக் ஐபிஎல் போட்டியில் டெல்லி கேப்பிடல்ஸ் அணியும், ராயல்ஸ் சேலஞ்சர்ஸ் பெங்களூரு அணியும் மோதின. இதில் முதலில் பேட்டிங் செய்த பெங்களூரு அணி, நிர்ணயிக்கப்பட்ட 20 ஓவர்களில் 5 விக்கெட் இழப்புக்கு 171 ரன்களை எடுத்தது. அதிகபட்சமாக ஏபி டிவில்லியர்ஸ் 75 ரன்களும், ரஜத் பண்டிதர் 31 ரன்களும் எடுத்தனர். டெல்லி அணியைப் பொறுத்தவரை, இஷாந்த் ஷர்மா, அமித் மிஸ்ரா, அக்சர் படேல், ரபாடா மற்றும் அவேஷ் கான் ஆகியோர் தலா 1 விக்கெட் எடுத்தனர்.

Amit Mishra gets warning from Umpire for applying saliva on the ball

இதனை அடுத்து பேட்டிங் செய்த டெல்லி அணி, 20 ஓவர்கள் முடிவில் 170 ரன்கள் எடுத்தது. இதனால் 1 ரன் வித்தியாசத்தில் வெற்றி வாய்ப்பை டெல்லி அணி தவறவிட்டது. இதில் அதிபட்சமாக ஹெட்மெயர் 53 ரன்களும், கேப்டன் ரிஷப் பந்த் 58 ரன்களும் எடுத்தனர். பெங்களூரு அணியைப் பொறுத்தவரை ஹர்சல் படேல் 2 விக்கெட்டுகளும், முகமது சிராஜ் மற்றும் கைல் ஜேமிசன் ஆகியோர் தலா 1 விக்கெட் எடுத்தனர்.

Amit Mishra gets warning from Umpire for applying saliva on the ball

இந்த நிலையில் இப்போட்டியின் முதல் இன்னிங்ஸில் டெல்லி கேப்பிடல்ஸ் சுழற்பந்து வீச்சாளர் அமித் மிஸ்ராவுக்கு அம்பயர் ஒரு வார்னிங் கொடுத்தார். போட்டியின் 7-வது ஓவரை அமித் மிஸ்ரா வீச வந்தார். அப்போது மறந்துபோய் எச்சிலை பந்தில் தடவினார். தற்போது கொரோனா பரவல் காரணமாக ஐசிசி சில விதிகள் விதித்துள்ளது.

அதன்படி கிரிக்கெட் வீரர்கள் பந்தில் எச்சில் தடவக்கூடாது. ஒரு முறை செய்தால் அந்த வீரருக்கு வார்னிங் கொடுக்கப்படும். மீண்டும் அதே தவற்றை அந்த வீரர் செய்தால், அவர் சம்பந்தப்பட்ட அணிக்கு 5 ரன்கள் குறைக்கப்படும். அந்த வகையில் நேற்று அமித் மிஸ்ராவுக்கு அம்பயர் வார்னிங் கொடுத்துவிட்டு, பந்தில் சானிடைசர் தடவிக் கொடுத்தார். இந்த வீடியோ தற்போது சமூக வலைதளங்களில் வெளியாகியுள்ளது.

மற்ற செய்திகள்

தொடர்புடைய செய்திகள்

ABOUT THIS PAGE

This page contains news relating to various facts and events. The views are generally about current affiars and general topics in diversified areas such as political, international, national, and regional issues, sports, health, travel, lifestyle, technology and business. People having similar interets on the above topics will find this page useful. Amit Mishra gets warning from Umpire for applying saliva on the ball | Sports News.