கொரோனா பரவலை தடுக்க இந்தியா முழுவதும் தற்போது ஊரடங்கு உத்தரவு அமலில் உள்ளது. இந்த நிலையில் ஏப்ரல் 20-ம் தேதி (நாளை) முதல் செயல்பாட்டிற்கு வரும் சேவைகள், தொழில்களின் பட்டியலை மத்திய அரசு வெளியிட்டுள்ளது.
இதனை மத்திய மந்திரி ரவிசங்கர் பிரசாத் தன்னுடைய ட்விட்டர் பக்கத்தில் வெளியிட்டுள்ளார். அதன் விவரம் பின்வருமாறு:-
* ஆயுஷ் உள்பட அனைத்து மருத்துவ சேவைகள் செயல்படும்.
* வேளாண் மற்றும் தோட்டத் தொழில்களுக்கு அனுமதி.
* மீன்பிடித் தொழில் தொடர்ந்து இயங்கும்.
* தேயிலை, காப்பி, ரப்பர் தோட்டத் தொழில்கள், அதிகபட்சம் 50 சதவீத ஊழியர்களுடன் செயல்படலாம்.
* நிதித்துறை மற்றும் சமூக நலத்துறை செயல்படும்.
* தேசிய ஊரக வேலைவாய்ப்பு திட்டம் தொடரும். இதில் ஊழியர்கள் முக கவசம் அணிந்து சமூக இடைவெளியை கடைப்பிடிக்க வேண்டும்.
* பொது வினியோகத்துறை செயல்படும்.
* மாநிலங்கள், மாவட்டங்களுக்கு இடையேயான சரக்கு போக்குவரத்துக்கு அனுமதி.
* ஆன்லைன் மூலம் கற்பித்தல் மற்றும் தொலைதூர கல்விக்கு அனுமதி.
*அத்தியாவசிய பொருட்கள் வினியோகம் செய்யலாம்.
Here is a list of what will remain open all over India with effect from 20th April 2020.
This will NOT be applicable in the containment zones.
Let us all fight together against #Covid19#IndiaFightsCorona#StayHomeStaySafe pic.twitter.com/d1EG0CMEOa
— Ravi Shankar Prasad (@rsprasad) April 18, 2020
* வர்த்தகம், தனியார் நிறுவனங்கள் கட்டுப்பாடுகளுடன் இயங்கலாம்.
* கட்டிட தொழில்களை தொடர அனுமதி.
* தனியார் வாகனங்களை மருத்துவம் உள்ளிட்ட அவசர தேவைக்காக இயக்கலாம்.
* அனைத்து மத்திய, மாநில, யூனியன் பிரதேச அலுவலகங்கள் செயல்படும்.
இவ்வாறு அதில் தெரிவிக்கப்பட்டு உள்ளது. அதே நேரம் இந்த அறிவிப்புகள் கொரோனா பாதிப்பு தீவிரமாக உள்ள பகுதிகளுக்கு (ஹாட்ஸ்பாட்) பொருந்தாது என ரவிசங்கர் பிரசாத் தெரிவித்துள்ளது குறிப்பிடத்தக்கது.
எவை இயங்காது?
*இ -வர்த்தகத்தில் அத்தியாவசியமற்ற சேவைகள் மேற்கொள்ள தடை விதிக்கப்பட்டுள்ளது. இதன்படி, மொபைல் போன்கள், ஸ்மார்ட் டிவி, லேப்டாப் உள்ளிட்ட மின்னணு பொருட்களை இ வணிகம் மூலம் பெற முடியாது.
* சினிமா திரையரங்கங்கள், வணிக வளாகங்கள், மால்கள், மத வழிபாட்டுக் கூடங்கள் உள்ளிட்டவைக்கு மே 3-ம் தேதி வரை திறக்க அனுமதி இல்லை.
