சன்னி லியோன் - தர்ஷா குப்தா நடிக்கும் புதிய படம்... தெறிக்க தெறிக்க வெளியான FIRST LOOK!

#SK20 : அப்டி போடு! சிவகார்த்திகேயன் குறித்து முதல் முறை பேசிய உக்ரைன் நடிகை.. என்ன சொன்னாங்க?

சன்னி லியோன் நடிக்கும், வரலாற்று பின்னணியில் உருவாகும்  ஹாரர் காமெடி  திரைப்படம்  “ஓ மை கோஸ்ட்” (OMG), ஃபர்ஸ்ட் லுக் வெளியானது.

திரையுலகில் வெகு சில படங்கள் மட்டுமே தயாரிப்பின் ஆரம்ப கட்டங்களில் இருந்தே, பார்வையாளர்கள் அனைவரின் கவனத்தையும் ஈர்க்கும்படி இருக்கும்.  துல்லியமாக  சொல்வதானால், படத்தின் தலைப்பு  படத்தின் மிக முக்கிய சிறப்பம்சமாக மாறும். அந்த வகையில், நடிகை சன்னி லியோன் நடிக்கும் “ஓ மை கோஸ்ட்” அதன் தொடக்கப் புள்ளியில் இருந்தே ரசிகர்களின்  எதிர்பார்ப்புகளை பெற்ற படைப்பாக இருந்தது.  மூன்று முக்கிய வேடங்களில் அழகான சன்னி லியோன் தோன்றுவது, முற்றிலும் புதியது, தனித்துவமானது மற்றும் அவரது முந்தைய திரைப்படங்களிலிருந்து மிகவும் வித்தியாசமானது. இந்த படத்தின் பர்ஸ்ட் லுக்கை இன்று தயாரிப்பாளர்கள் வெளியிட்டுள்ளனர், புதுமையான இந்த ஃபர்ஸ்ட் லுக் இந்திய பார்வையாளர்களிடம்  பாராட்டுகளைப் பெற்று, மிகப்பெரிய வரவேற்பைப் பெற்றுள்ளது.

இப்படத்தின் எழுத்தாளரும், இயக்குனருமான R யுவன் கூறும்போது…, "ஓ மை கோஸ்ட்' படத்தின் ஃபர்ஸ்ட் லுக்கை வெளியிடுவதில் நாங்கள் மகிழ்ச்சியடைகிறோம். இந்தியா முழுவதும் பார்வையாளர்களிடமிருந்து அன்பான வரவேற்பைப் காண மிகவும் ஆச்சரியமாக இருக்கிறது. சன்னி லியோன் மேடத்தின் அர்ப்பணிப்புக்கு நன்றி. இந்த படத்திற்காக, அவர் தனது பாத்திரத்தை  சிறப்பாக செய்ய வேண்டுமென பல ஆய்வு முயற்சிகளை மேற்கொண்டார், இது அவர் இதுவரை செய்ததில் இருந்து புதியது மற்றும் முற்றிலும் தனித்துவமானது என்று அவர் தீவிரமாக நம்பினார். OMG என்பது ஒரு வரலாற்று திகில் நகைச்சுவை கலந்த படம், இது முக்கியமாக பொழுதுபோக்கு மற்றும் ஹாரர் அம்சத்தை அடிப்படையாகக் கொண்டது. இப்படம் திரையரங்குகளில்  பார்வையாளர்களுக்கு ஒரு  சிறப்பான பொழுதுபோக்கு அனுபவமாக இருக்கும். இதில்  சன்னி லியோன் பாத்திரத்திற்கு ஒரு வரலாற்று பின்னணி  இருப்பதால், அவரது தோற்றம் முற்றிலும் கற்பனையை கொண்டு உருவாக்கப்பட்டுள்ளது, இது  படத்திற்கு ஒரு சிறப்பு ஈர்ப்பாக இருக்கும்.

“ஓ மை கோஸ்ட்”   (OMG) திரைப்படத்தினை  VAU MEDIA ENTERTAINMENT சார்பில் தயாரிப்பாளர் D.வீரா சக்தி மற்றும் WHITE HORSE STUDIOS சார்பில் K. சசிகுமார் இணைந்து தயாரிக்கின்றனர். நடிகை சன்னி லியோன் முதன்மை பாத்திரத்தில் நடிக்கும் இப்படத்தில் சதீஷ் மற்றும் தர்ஷா குப்தா முக்கிய பாத்திரங்களில் நடிக்க, யோகி பாபு, மொட்டை ராஜேந்திரன், ரவி மரியா, ரமேஷ் திலக், அர்ஜுனன், தங்கதுரை ஆகியோருடன் மற்றும் பல முன்னணி நடிகர்கள் இணைந்து நடிக்கின்றனர். ஜாவித் ரியாஸ் இசையமைக்க, தீபக் D. மேனன் ஒளிப்பதிவு செய்துள்ளார்.

படத்தின் டிரெய்லர், ஆடியோ மற்றும் உலகளவிலான திரையரங்கு வெளியீடு குறித்த அறிவிப்புகள் விரைவில் அதிகாரப்பூர்வமாக அறிவிக்கப்படும்.

வந்துட்டார்யா கேப்டன்!.. விஜயகாந்த்க்கு ஆசை மகன்களின் அன்பு முத்தம் .. என்ன விசேஷம்?